Թուրքիայում կորոնավիրուսի տարածման հավանականությունը շատ մեծ է․ առողջապահության նախարար

Թուրքիայում կորոնավիրուսի տարածման հավանականությունը շատ մեծ է՝ չնայած նրան, որ հիվանդացության դեպքերի մասին առայժմ չի հաղորդվել։ Այս մասին հայտարարել է երկրի առողջապահության նախարար Ֆահրեթին Կոջան, հայտնում է «Անադոլու»-ն։

«Թուրքիայում այդ համաճարակի տարածման հավանականությունը շատ մեծ է։ Մենք կարող ենք պարզապես հետեւյալն ասել՝ վիրուս առայժմ չի հայտնաբերվել»,- երկրի խորհրդարանի առողջապահության հանձնաժողովի անդամներին ասել է Կոջան։ Նա Թուրքիայի քաղաքացիներին կոչ է արել հաջորդ ամիս վիրուսի դեմ միջոցներ ձեռնարկել։ «Մենք պետք է սահմանափակենք շփումները, որքան հնարավոր է քիչ ճանապարհորդենք արտասահման, ինքնուրույն կարանտինի տակ մնանք եւ հոգ տանենք տարեցների համար»,- հավելել է նա։

Անցյալ ամիս Թուրքիան փակել էր կորոնավիրուսից առավել շատ տուժած Իրանի հետ սահմանը եւ չեղարկել այդ երկիր բոլոր չվերթները։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը