Իտալիայում դադարեցվել են «Առաքելությունն անիրագործելի է 7» ֆիլմի նկարահանումները

 Իտալիայում դադարեցվել են «Առաքելությունն անիրագործելի է 7» ֆիլմի նկարահանումները՝ կորոնավիրուսի պատճառով: Այս մասին հայտնում է РИА Новости-ն:

Նկարահանումներ պետք է տեղի ունենային Վենետիկում, սակայն Իտալիայում կորոնավիրուսի տարածման հետևանքով արգելվել են մասսայական միջոցառումներն ու հավաքները:

Վենետիկում կարանտին հայտարարված չէ, սակայն նման որոշում է կայացվել նկարահանող խմբի և դերասանական կազմի անվտանգության նկատառումներից ելնելով:

«Առաքելությունն անիրագործելի է 7»-ի պրեմիերան կկայանա 2021թ. հուլիսին: Նշվում է, որ ֆիլմի ռեժիսորը Քրիստոֆեր ՄքՔուորին է, որն աշխատելու է նաև ֆիլմի ութերորդ մասի վրա:

Հոլիվուդյան գերաստղ Թոմ Կրուզը կրկին կմարմնավորի Իթեն Հանթին: Նրա խաղընկերներն են լինելու Սայմոն Փեգը, որը չորրորդ անգամ կխաղա Բենջի Դանի դերը, Ռեբեկա Ֆերգյուսոնը, որը կրկին կներկայանա լրտես Իլզա Ֆաուստի կերպարում, ինչպես նաև ֆիլմաշարի համար միանգամայն նոր դեմքեր՝ Նիկոլաս Հոլթը, Հեյլի Էթվելը, Շի Ուիգհեմը, Փոմ Պլեմենտյեֆը:

Աղբյուրը հիշեցնում է, որ արդեն դասական դարձած ֆիլմաշարի առաջին մասը նկարահանել է Բրայան դե Պալման՝ 1996թ.:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը