«Կինոյի հսկան գնաց դեպի հավերժություն». հոլիվուդյան աստղերը հարգել են Քըրք Դուգլասի հիշատակը (լուսանկարներ)
ԱՄՆ-ի Բևեռլի Հիլզ քաղաքում 103 տարեկանում կյանքից հեռացել է լեգենդար դերասան Քըրք Դուգլասը, ինչի վերաբերյալ հուզիչ գրառումներ են արել բազմաթիվ հոլիվուդյան աստղեր, գրում է dailymail.co.uk-ը:
Դուգլասի հարսը՝ դերասանուհի Քեթրին Զետա-Ջոնսը, խոստովանել է, որ մինչև կյանքի վերջ կսիրի նրան:
«Իմ սիրելի Քըրք, մինչև կյանքիս վերջ կսիրեմ քեզ: Արդեն կարոտում եմ»,- ինստագրամյան գրառման մեջ նշել է դերասանուհին, որը երբևէ առիթը բաց չի թողել սկեսրայրի նկատմամբ իր սերն ու հարգանքը ցույց տալու համար:
Դուգլասի հիշատակին նվիրված գրառում է արել նաև դերասան Սիլվեստր Ստալոնեն:
«Քըրք Դուգլաս. իմ կինոհերոսների վերջին հզոր հսկան գնաց դեպի հավերժական փառք: Ապշելու դերասան, որի նմանը մենք էլ չենք տեսնի»,-գրել է Ստալոնեն:
Օսկարակիր կինոռեժիսոր Սթիվեն Սփիլբերգը խոստովանել է, որ շատ կկարոտի Դուգլասի ձեռագիր նամակներն ու հայրական խորհուրդները, նրա խոհեմությունն ու խիզախությունը:
«Այդ ամենն ինձ կներշնչի մինչև կյանքիս վերջ»,-գրել է Սփիլբերգը:
Մինչդեռ հանգուցյալի որդին՝ աստղային դերասան Մայքլ Դուգլասը, նշել է, որ հպարտ է այդպիսի հայր ունենալու համար:
Քըրք Դուգլասը (իրական անունը` Իսեր Դանիելովիչ) կինոյում հայտնի է բազմաթիվ դերերով, որոնցից ամենահայտնիներից են Վինսենթ Վան Գոգի և Սպարտակի դերերը:
Դուգլասը ծնվել է ԱՄՆ-ի Նյու Յորքի նահանգում 1916 թվականի դեկտեմբերի 9-ին` Ռուսական կայսրությունից եկած գաղթականների ընտանիքում: Իրական անունը նա փոխել է քոլեջում սովորելու տարիներին: Քոլեջն ավարտելուց հետո տեղափոխվել է Նյու Յորք, որտեղ ընդունվել է Դրամատիկական արվեստի ամերիկյան ակադեմիա: Երկրորդ համաշխարհայինի տարիներին ծառայել է ԱՄՆ-ի ռազմածովային ուժերի խաղաղօվկիանոսյան նավատորմում:
Ծառայությունից հետո սկսել է խաղալ թատրոնում և նկարահանվել գովազդներում: Կինոյում նրա դեբյուտը եղել է 1946 թվականին` Լյուիս Մայլսթոունի «Մարթա Այվերսի տարօրինակ սերը» ֆիլմում: Ավելի քան 60-ամյա կարիերայի ընթացքում Դուգլասը նկարահանվել է ավելի քան 80 ֆիլմում: Նրա մասնակցությամբ ֆիլմերի շարքում առանձնանում են Ռիչարդ Ֆլեյշերի «20 000 լյո ջրի տակ», Վինսենթ Մինելլիի «Կյանքի ծարավ» (այս ֆիլմում Վինսենթ Վան Գոգի դերի համար Դուգլասը «Ոսկե գլոբուս» է ստացել), ինչպես նաև Սթենլի Կուբրիկի «Փառքի արահետներ» և «Սպարտակ» ֆիլմերը:
1996 թվականին Դուգլասն «Օսկար» մրցանակ է ստացել կինեմատոգրաֆում 50-ամյա ստեղծագործական և բարոյական ջանքերի համար, իսկ 2001 թվականին ստացել է Բեռլինի կինոփառատոնի «Ոսկե արջ» մրցանակը:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Էլեկտրաէներգիայի ընդհատումներ կլինեն Երևանում և մարզերում
Երթևեկության կազմակերպման փոփոխություն՝ Վարդանանց փողոցում
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Տուրիստ չեմ` ավտոբուս չկա