Երաժշտությամբ զբաղվել` նշանակում է կամուրջներ կառուցել, ոչ թե քանդել. գերմանացի հանրահայտ երգիչը դիմել է ադրբեջանցի տենորին
Աշխարհի հայտնի բասերից մեկը` գերմանացի հանրահայտ օպերային երգիչ Ռենե Պապեն, դիմել է իր գործընկերոջը՝ ադրբեջանցի տենոր, օպերային երգչուհի Աննա Նետրեբկոյի ամուսին Յուսիֆ Էյվազովին՝ կապված Ռուզան Մանթաշյանի հետ ելույթ ունենալուց հրաժարվելու հետ:
«Սովորաբար, ես չեմ մեկնաբանում նմանօրինակ երևույթները, սակայն ծնունդով լինենով Դրեզդենից, երաժշտության, մշակույթի դեսպան և դեմ հանդես գալով ռասիզմին՝ ստիպված եմ կոչ անել իմ հարգարժան գործընկեր Յուսիֆին` իր հետ ատելություն չբերել իմ քաղաք կամ մեկ այլ վայր: Երաժշտությամբ զբաղվելու հնարավորություն ունենալ` նշանակում է կամուրջներ կառուցել, այլ ոչ թե քանդել դրանք»,- rusarminfo-ի փոխանցմամբ՝ գրել է Պապեն:
«Սիրելի Յուսիֆ, եթե չգիտես, ապա ասեմ, որ Դրեզդենն ունի պատմական շատ պայծառ, շատ մութ և փառավոր երաժշտական անցյալ: Այս քաղաքը կրկին իր ճանապարհն է հարթում Եվրոպայի և աշխարհի մեծագույն քաղաքներից մեկը դառնալու համար: Հրավիրված լինել այստեղ երգելու և ունկնդրին երջանկացնելու՝ մեծ պատիվ է և առավելություն: Դու պետք է երջանիկ և հպարտ լինես դրա մի մասնիկը դառնալու համար: Ուզում ես հիշվել որպես արտիստ, ոչ թե ատելության կրող»,- հավելել է երգիչը:
Հիշեցնենք, որ ավելի վաղ հաղորվում էր, որ ազգությամբ ադրբեջանցի օպերային երգիչ Յուսիֆ Էյվազովը, «քաղաքական նկատառումներից ելնելով», հրաժարվել է ելույթ ունենալ հայուհի սոպրանո Ռուզան Մանթաշյանի հետ:
Լույսն ամենաթանկ նվերն է, որ կարող ես տալ մարդուն
Արգենտինան ներկայացնող Արսեն Ջուլֆալակյանը ոսկե մեդալ նվաճեց
Ով կներկայացնի Հայաստանն այս տարի «Մանկական Եվրատեսիլ» մրցույթում
Առաջին նոր երգ` հարսանիքից հետո
Էլեկտրաէներգիայի ընդհատումներ կլինեն Երևանում և մարզերում
Երթևեկության կազմակերպման փոփոխություն՝ Վարդանանց փողոցում
Ջերմ ողջույններ Սյունիքի դարպասներից․ Կլաուդիա Բուշը ԵՄ դեսպանների հետ ուղևորվել է Հայաստանի ամենահա...
Դեպի Երևան․ ինչպե՞ս (տեսանյութ)
Շարունակում ենք ստուգայցերը ՊՆ զորամասեր (տեսանյութ)
Տուրիստ չեմ` ավտոբուս չկա