Վրաստանի ՆԳՆ-ը հայտնվել է սկանդալում․ Թբիլիսիում հունիսի 20-ի բողոքի ակցիայի մասնակիցների ձերբակալման կադրերը մոնտաժված են

Վրաստանի ՆԳ նախարարությունը հայտնվել է սկանդալում․ բանն այն է, որ բողոքի ակցիայի մասնակիցների ձերբակալման տեսահոլովակը մոնտաժված է:

Վրաստանի խորհրդարանի առջև հունիսի 20-ի իրադարձությունների կապակցությամբ ձերբակալված National Geographic- ի հետազոտող Բեժան Լորթքիփանիձեի փաստաբանն, ուսումնասիրոելով արյունոտ իրադարձությունների գիշերը նկարահանված պաշտոնական ողջ ժապավենը,պնդում է, որ ՆԳՆ-ն կեղծել է ապացույցները:

Նրա հայտարարությամբ՝ մի քանի ժամ տևողությամբ տեսանյութում իր պաշտպանյալը հայտնվում է ընդամենը 2 կարճ դրվագում: Առաջին դրվագում պարզ երևում է, թե ինչպես են խորհրդարանի ներքին բակից դուրս գալիս ՆԳՆ աշխատակիցները և ուղղություն վերցնում դեպի հատուկ ջոկատայինները: Նրանց կրնկակոխ, աննկատ հետևում են քաղաքացիական հագուստով մարդիկ, ովքեր ճանապարհին բռնի կերպով քաղաքացիական անձանց ներքաշում են ոստիկանական շարասյան մեջ:

Երևույթին ականատես դարձած Բեժան Լորթքիփանիձեն փորձել է օգնել ոստիկանության թիրախ դարձած հերթական քաղաքացուն:

Տեսահոլովակի երկրորդ դրվագում ակնհայտորեն երևում է, որ Լորթքիպանիձեն անշարժ կանգնած է խորհրդարանի առջև: Այդ պահին մոտ կանգնած հատուկ ջոկատայիններից մեկը մոտ տարածությունից կրակում է վահանի հետևում թաքնված կնոջը: Հարվածն այնքան ուժեղ էր, որ կոտրել է վահանը: Քաղաքացիական հագուստով տղամարդիկ կնոջը մոտ կանգնած մի տղամարդու քաշում են իրենց շարքերն այն բանից հետո, երբ նա փորձում է պաշտպանել անօգնական կնոջը: Լորթքիփանիձեն, ըստ կադրերի, կնոջը պաշտպանողներից մեկն է եղել:

Լորթքիփանիձեն այլ կադրերում չի երևում:

Հիմք ընդունելով դիտած տեսահոլովակի բնօրինակը՝ Լորթքիփանիձեի փաստաբանը հայտարարել է, որ ՆԳ նախարարությունն իր պաշտպանյալի «մեղադրանքն» ապացուցելու համար տարածել է կտրատած ու մոնտաժված տարբերակը, որը փաստում է, որ Բեժան Լորթքիփանիձեն ներգրավված է եղել խմբակային բռնությունների մեջ: Ներկայում Լորթքիփանիձեն գտնվում է նախնական կալանքի տակ:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք