Վրաստանի դպրոցներում չեղյալ են հայտարարվել ավարտական քննությունները

Վրաստանում շրջանավարտները չեն հանձնի ավարտական քննություններ:

Վրաստանի խորհրդարանը ապրիլի 8-ին երրորդ ընթերցմամբ հավանություն է տվել 11-րդ և 12-րդ դասարանների աշակերտների ավարտական քննությունների չեղյալ հայտարարման վերաբերյալ կառավարության օրենսդրական նախաձեռնությանը:

Ընդհանուր կրթության մասին օրենքում կատարվող փոփոխությունները ուժի մեջ են մտնում Վրաստանի օրենսդրական տեղեկատուում հրապարակված փոփոխություններից հետո:

Օրենքի համաձայն՝ ավարտական քննություններ չեն լինելու: Բացի այդ, դպրոցի ավարտական քննությունները հանձնելուց ազատվում են անձինք, ովքեր չեն կարողացել վերցնել ընդհանուր կրթության վկայականը: Կոնկրետ խոսքը վերաբերում է անձանց, ովքեր մինչ 2018-2019 կրթական տարին հաղթահարել են ընդհանուր կրթության միջին աստիճանը և չեն մասնակցել դպրոցի ավարտական քննություններին: Ինչպես նաև՝ այն անձանց, ովքեր մինչ 2018-2019 կրթական տարին հաղթահարել են ընդհանուր կրթության միջին աստիճանը և մասնակցել են ավարտական քննություններին, սակայն ատեստատի համար բավարար միավորներ չեն հավաքել:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք