Կարևորվել են անհայտ կորած անձանց միասնական ռեեստրի ձևավորումն ու վարումը
Երևանում անցկացվող «Անհայտ կորած անձանց ճակատագիրը. մարդասիրական երկխոսություն և համագործակցություն» միջազգային համաժողովի «Անհայտ կորած անձանց վերաբերյալ իրավական կարգավորումները» խորագրով պանելային քննարկման շրջանակում Արդարադատության նախարարի տեղակալ Աննա Կարապետյանը ներկայացրել է անհայտ կորած անձանց իրավունքների պաշտպանության ներպետական օրենսդրությամբ նախատեսված մեխանիզմները։ Այս մասին հայտնում են նախարարությունից։
Նախարարի տեղակալն անդրադարձել է 2026 թվականի մայիսին ուժի մեջ մտած «Ռազմական գործողությունների հետևանքով ստեղծված պայմաններում և հանգամանքներում անհայտ կորած անձանց մասին» օրենքին՝ առանձնացնելով անհայտ կորած անձանց իրավունքների երաշխավորումը, նրանց ճակատագրի և գտնվելու վայրի պարզաբանման ուղղությամբ պետության պարտավորությունները, ինչպես նաև ընտանիքի անդամների իրավունքներն ու սոցիալական պաշտպանության երաշխիքները։
Նախարարի տեղակալը կարևորել է անհայտ կորած անձանց միասնական ռեեստրի ձևավորումն ու վարումը, պետական մարմինների միջև արդյունավետ համագործակցությունը, նույնականացման գործընթացները և ընտանիքներին հավաստի տեղեկատվության տրամադրումը՝ անձնական տվյալների պաշտպանության պահանջների պահպանմամբ։
Եզրափակելով ելույթը՝ Աննա Կարապետյանն ընդգծել է, որ օրենքի արդյունավետ գործարկումը պետք է նպաստի անհայտ կորած անձանց ճակատագրի պարզաբանմանը, նրանց արժանապատվության և ընտանիքների իրավունքների պաշտպանությանը։


















































Հռոմի պապ Լևոն XIV-ն ավարտել է շրջագայությունը Պերուում
ՔԿ Աջափնյակ և Դավթաշեն վարչական շրջանների քննչական բաժինը նոր ղեկավար ունի
Նեմցովի սպանության համար դատապարտվածները բանտից հայտնվել են Չեչնիայում․ «Проект»
ՊԵԿ-ը պարզաբանում է տարածել (տեսանյութ)
Աննա Վարդապետյանը Բուենոս Այրեսի ինքնավար քաղաքի գլխավոր դատախազ Սավալետայի հետ քննարկել է երկուստեք...
Ռուսաստանը հաղորդել է, որ ուկրաինական ուժերը հարվածել են Ղրիմի կամրջին
ՀՌՀ-ն քննադատել է Հանրայինի եթերում բռնության և վիրավորանքի ցուցադրումը
Հիշեցում․ նոյեմբերի 15-ից ձմեռային անվադողերով երթևեկելը պարտադիր պահանջ է
Հայկ Մարտիրոսյանն ավարտել է ելույթները Total Chess 2026 մրցաշարի խմբային փուլում
Զգուշացե՛ք․ ՆԳՆ անունից կրկին տարածվում են կեղծ հաղորդագրություններ