Առաջարկվել է փոփոխություն կատարել Կառավարության անդամի երդման տեքստում։
Պետական-իրավական հարցերի մշտական հանձնաժողովն Արուսյակ Ջուլհակյանի նախագահությամբ սեպտեմբերի 11-ին գումարել է անդրանիկ նիստը, հայտնում են ԱԺ-ից: Օրակարգը հաստատելուց հետո քննարկվել և հաստատվել է հանձնաժողովի աշխատակարգը:
Արուսյակ Ջուլհակյանը տեղեկացրել է, որ ըստ Դոնթի բանաձևի՝ խորհրդարանական խմբակցությունների միջև պաշտոնների բաշխման արդյունքում պետական-իրավական հարցերի մշտական հանձնաժողովի նախագահի տեղակալի պաշտոնը բաժին է հասել «Հայաստան» խմբակցությանը։
ՀՀ ԱԺ «Հայաստան» խմբակցության պատգամավոր Ագնեսա Խամոյանը հայտնել է, որ խմբակցությունն այս պահի դրությամբ թեկնածու չի առաջադրել։
Այնուհետև հանձնաժողովն առաջին ընթերցմամբ քննարկել է Կառավարության հեղինակած ««Կառավարության կառուցվածքի և գործունեության մասին» օրենքում փոփոխություն կատարելու մասին» օրենքի նախագիծը։
ՀՀ արդարադատության նախարարի տեղակալ Տիգրան Դադունցը նշել է, որ նախագծով առաջարկվում է փոփոխություն կատարել Կառավարության անդամի երդման տեքստում։ Մասնավորապես, առաջարկվում է երդման տեքստում կիրառել «հանուն Հայաստանի Հանրապետության հարատևության, ինքնիշխանության և զարգացման» ձևակերպումը։
««Հարատևություն» հասկացությունը վերաբերում է Հայաստանի Հանրապետության շարունակական գոյությանն ու կայունությանը, «ինքնիշխանություն» հասկացությունը՝ պետության՝ ինքնուրույն որոշումներ կայացնելու իրավասությանը, իսկ «զարգացում» ձևակերպումն ուղղված է պետության առաջընթացի և բարեկեցության ապահովման նպատակն օրենքում ամրագրելուն»,- ասել է հիմնական զեկուցողը՝ մանրամասն ներկայացնելով օրենքի նախագիծը։
Կառավարության ներկայացուցիչն առաջարկել է օրենքի նախագծի քննարկման համար կիրառել հատուկ ընթացակարգ՝ առաջին ընթերցմամբ ընդունումից հետո երկրորդ ընթերցումն իրականացնել 24-ժամյա ռեժիմով։
Ըստ Տիրգրան Դադունցի՝ դա թույլ կտա օրենքի փոփոխությունը հնարավորինս արագ ուժի մեջ մտցնել, և Կառավարության նորանշանակ անդամները կերդվեն արդեն փոփոխված տեքստով։
Տիգրան Դադունցը և հարակից զեկուցող Արման Եղոյանը եզրափակիչ ելույթներում անդրադարձել են պատգամավորների հնչեցրած հարցերին:
Նախագիծը ստացել է դրական եզրակացություն։ Առաջարկվել է օրենքի նախագիծն ԱԺ նիստում քննարկել հատուկ ընթացակարգով:
«Տիեզերական ճամփորդություն» Երևանում. մեկնարկել է HIGH FEST-ը
2027-ից կենսաթոշակները կբարձրանան․ ի՞նչ է փոխվելու
Ռոնալդուի անձնական ինքնաթիռը մեկնել է Մադրիդ
Դանի Օլմոն շարունակում է քաղաքին փոխանցել իր եկամտի 2%-ը
Երաշխավորվել է նախադպրոցական հաստատության աշխատողներին և դաստիարակի օգնականներին վերապատրաստող 6 կազ...
Հրապարակվել են վարորդական իրավունքի վկայական ստանալու տեսական քննության նոր հարցաշարերը
Շաքիում արձանագրված դեպքով նախաձեռնվել է ևս մեկ քրեական վարույթ. ՀՀ գլխավոր դատախազություն
Նիկոլ Փաշինյանը քաղաքացիական հայց է ներկայացրել Էդգար Ղազարյանի դեմ
Հայաստանն առաջին Գերազանցության մեդալն է նվաճել WorldSkills Shanghai 2026 միջազգային մրցույթում
Բավարիան պատրաստվում է երկարաձգել Մայքլ Օլիսեի հետ գործող պայմանագիրը