Գազայում ավելի քան 1500 հիվանդ է մահացել՝ բուժման հասանելիության սահմանափակումների պատճառով

Գազայի առողջապահության նախարարության գլխավոր տնօրեն Մունիր Ալ-Բուրշը Al Jazeera-ին հայտնել է, որ առողջապահական համակարգը շարունակում է գործել «ծանր պայմաններում»։ Նրա խոսքով՝ Իսրայելի ռազմական գործողությունների սկսվելուց ի վեր ավելի քան 1500 հիվանդ, որոնք բուժման նպատակով պետք է տեղափոխվեին արտասահման, մահացել են՝ անհրաժեշտ բուժօգնություն չստանալու պատճառով։

«Մենք ամեն օր կորցնում ենք հիվանդների», - հայտարարել է Ալ-Բուրշը՝ հավելելով, որ նախարարությունը կորցրել է երիկամային հիվանդություն ունեցող հիվանդների ավելի քան 50 տոկոսին՝ բժշկական պարագաների պակասի պատճառով։ Պաշտոնյան պնդել է, որ բժշկական անհրաժեշտ պարագաների մուտքը Գազայի հատված սահմանափակվում է, ինչն ավելի է խորացնում առողջապահական ճգնաժամը։

Top-news.am