Սաուդյան Արաբիայի թագավորը հաջորդ շաբաթ գահը կփոխանցի 32-ամյա թագաժառանգ արքայազնին

Աշխարհի ամենահզոր միապետություններից մեկի՝ Սաուդյան Արաբիայի թագավոր Սալմանը պատրաստվում է հաջորդ շաբաթ հրաժարվել գահից ու իշխանությունը փոխանցել որդուն՝ 32-ամյա թագաժառանգ Մոհամեդ բին Սալմանին:

Ինչպես հայտնում է The Daily Mail-ը, թագավորական ընտանիքին մոտ կանգնած աղբյուրին հղումով, թագավոր Սալմանը գահի փոխանցման հարցում խիստ վճռական է ու վերջնական որոշում է կայացրել:

«Դրանից հետո թագավոր Սալմանը կվերածվի ասպես կոչված «Անգլիայի թագուհու» ու նրա իշխանությունը զուտ ձևական բնույթ կկրի»,-նկատել է քաջատեղյակ աղբյուրը:

Նա մանրամասնել է, որ գահը ժառանգելուց հետո Մոհամեդ Բին Սալմանը կկենտրոնանա սաուդյան կայսրության գլխավոր թշնամու՝ Իրանի վրա. չի բացառվում ռազմական գործողության սկսումը:

Ենթադրվում է, որ նա կարող է համագործակվել Իսրայելի հետ՝ Իրանի աջակցությունը վայելող լիբանանյան «Հեզբոլլահ» շարժմանը ճնշելու համար:

«Նա արդեն միլիարդավոր դոլարների ֆինանսավորում է խոստացել Իսրայելին, եթե երկրիը համաձայնի իր առաջակին: Մոհամեդ բին Սալմանն առանց Իսրայելի աջակցության չի կարող դուրս գալ «Հեզբոլլահ»-ի դեմ»,-ասել է աղբյուրը:
Հիշեցնենք, որ Սաուդյան Արաբիայի և Իրանի միջև հարաբերությունները կտրուկ լարվել են նոյեմբերի 4-ից, երբ Էր Ռիադը մեղադրեց Թեհրանին Եմենի տարածքից Սաուդյան Արաբիայի մայրաքաղաքի ուղղությամբ բալիստիկ հրթիռ արձակելու համա