Թուրքիան չի բացառում, որ երկիրը կարող է միանալ միջուկային մրցավազքին

Թուրքիան ստիպված կլինի միանալ միջուկային մրցավազքին, եթե տարածաշրջանի այլ երկրներ ունենան նման զենք, հայտարարել է Թուրքիայի արտաքին գործերի նախարար Հաքան Ֆիդանը։

«Հարցը պետք է դիտարկել ընդհանուր ռազմավարական իրավիճակի համատեքստում։ Անկեղծ ասած՝ մենք չենք ցանկանում տարածաշրջանում տեսնել կտրուկ փոփոխություններ, որոնք կարող են խախտել ուժերի ներկա հավասարակշռությունը։ Օրինակ՝ այն երկրները, որոնք խնդիրներ ունեն Իրանի հետ, կսկսեն ձգտել միջուկային զենք ունենալու։ Եվ մենք, հավանաբար, ակամայից կմիանանք այդ մրցավազքին»,- CNN Turk-ին ասել է Ֆիդանը։

Միաժամանակ` Թուրքիային արտաքին քաղաքական գերատեսչության ղեկավարը շեշտել է, որ միջուկային զենքի առկայությունը «պարունակում է սպառնալիքներ եւ ռիսկեր», ու «դա կլիներ անցանկալի»։

Թուրքիայի ԱԳ նախարարի խոսքով՝ Իրանը միջուկային զենք չունի, «եւ չկա նաեւ ատոմային ռումբ ստեղծելու ցանկություն»։