ՌԴ-ն Եվրասիական տարածքում անվտանգության ճարտարապետություն է ստեղծում. Լավրով

ՌԴ ԱԳ նախարար Սերգեյ Լավրովը հայտարարել է, որ Մոսկվան աշխատում է Եվրասիայում հավասար և անբաժանելի անվտանգության ճարտարապետություն ստեղծելու ուղղությամբ։ «Նախագահ Վլադիմիր Պուտինի նախաձեռնությամբ աշխատում ենք Եվրասիական տարածքում հավասար և անբաժանելի անվտանգության ճարտարապետություն ստեղծելու և լայն գործնական համագործակցություն զարգացնելու ուղղությամբ», – ասել է նա՝ Դիվանագետի օրվա առթիվ տեսաուղերձում։

Լավրովը հիշեցրել է, որ Ռուսաստանը հետաքրքրված է ազնիվ միջազգային համագործակցությամբ, որը հիմնված է փոխըմբռնման, վստահության և բարեհարաբերության սկզբունքների վրա։

«Այս առումով առանձնահատուկ նշանակություն ենք տալիս երկկողմ պայմանավորվածությունների կնքմանը և իրականացմանը։ Դրանց թվում են Բելառուսի հետ անվտանգության երաշխիքների մասին մեր պայմանագիրը, ինչպես նաև ԿԺԴՀ-ի և Իրանի Իսլամական Հանրապետության հետ համապարփակ ռազմավարական գործընկերության մասին պայմանագրերը», – ընդգծել է նախարարը։

Ռուսաստանի իշխանությունները բազմիցս կոչ են արել ձևավորել համընդհանուր եվրասիական հավասար և անբաժանելի անվտանգության ճարտարապետություն, որը կապահովի մայրցամաքում ռազմաքաղաքական իրավիճակի երկարաժամկետ կայունացում և տարածաշրջանի բոլոր պետությունների կայուն զարգացում։

Ինչպես պարզաբանել է Լավրովը՝ նման համակարգը կկանխեր ցանկացած նոր պատերազմ սկսելու փորձեր։

Այս թեմայով ՌԴ դիրքերը համաշխարհային միջուկային էներգետիկայի շուկայում մարտահրավեր են ամերիկացիների համար. Լավրով Կլինի լիարժեք ռազմական պատասխան՝ մեր ձեռքի տակ եղած բոլոր միջոցներով Ռուսաստանը հույս ունի, որ Հայաստանը չի դադարեցնի իր ավանդական դաշնակիցների հետ համագործակցությունը․ Լավրով Լավրովին նկատել են Ալյասկայում՝ «ԽՍՀՄ» գրությամբ շապիկով Լավրովը հայտարարել է, որ Արևմուտքը չի կարողանա հաղթել Ռուսաստանին