Էսլամի. Իսրայելը կանգնած է Արևմտյան Ասիայի հակամարտությունների մեծ մասի հետևում

Իրանի ատոմային էներգիայի կազմակերպության ղեկավար Մոհամմադ Էսլամին հայտարարել է, որ Արևմտյան Ասիայում հակամարտությունների մեծ մասի հետևում կանգնած է Իսրայելը, քանի որ «ռեժիմը օգուտ է քաղում հակամարտություններից՝ իր շահերը պաշտպանելու համար», գրում է Mehr-ը։

«Սիոնիստների հետքը տեսանելի է տարածաշրջանի հակամարտությունների մեծ մասում: Եթե ​​հակամարտություն չլինի, նրանք հարմարավետ չեն զգա, և այդ հակամարտությունները բխում են նրանց շահերից»,- հայտարարել է Էսլամին Պաղեստինին նվիրված հեռուստահաղորդմանը:

Նա նաև քննադատել է «իսրայելական ապարտեիդի ռեժիմը»՝ «ՄԱԿ-ի նհարավորությունները սեփական իմունիտետի հաստատման համար օգտագործելու համար, քանի որ ռեժիմի դեմ դեռևս ոչ մի բանաձև չի ընդունվել նրա միջուկային զենքի չհայտարարված ծրագրի վերաբերյալ»։

Այս կապակցությամբ Էսլամին ընդգծել է, որ «զանգվածային ոչնչացման զենքերը տեղ չունեն Իրանի պաշտպանական դոկտրինում՝ հավելելով, որ երկիրը մտադիր չէ միջուկային զենք կիրառել ուժերի հավասարակշռության հասնելու համար, քանի որ նրա արտաքին քաղաքականությունը հիմնված է ակտիվ համագործակցության վրա։

Այս թեմայով Իրանը և եվրոպական եռյակի երկրներն ավարտել են միջուկային խնդրի շուրջ բանակցությունների հերթական փուլը Իրանի նախագահը Հայաստան կայցելի օգոստոսի 18-21-ը Մենք չենք ընդունի սահմանների որևէ փոփոխություն. Աբաս Արաղչի Մենք ունենք գործելու երեք տարբերակ Ադրբեջանի հետ հարաբերություններում. Իրանի նախագահի որդի Խամենեիի խորհրդական Լարիջանին նշանակվել է Իրանի ազգային անվտանգության խորհրդի նոր քարտուղար