Չստիկներ, շորտեր, դուխով գլխարկ և վարդագույն ակնոց․ Արո ջան արի նվերներդ վերցրու․ ակցիայի մասնակից
ԱԳ նախարարության դիմաց ընթացող բողոքի ակցիայի մասնակիցները նվերներ են բերել Արարատ Միրզոյանի համար. «Չավուշօղլուի հետ Անթալիայում հանդիպելու համար պետք է հանգնված լինել շատ գեղեցիկ։ Չստիկներ՝ հատուկ Արարատ Միրզոյանի համար, նաև շորտ, հագնում ես հրաժարականից հետո ու գնում Անթալիա։ Տեսեք ինչ առատաձեռն ենք գտնվել»,-բարձրախոսով հայտարարեց ակցիայի կազմակերպիչ երիտասարդներից մեկը, որին ակցիայի մասնակիցներից մի քանիսն արձագանքեցին. «սթրինգ է պետք, սթրինգ»։
Ակցիայի մասնակիցն ասաց, որ Միրզոյանի համար նաև կարմիր գլխարկ են բերել, որի վրա կանեփի թփեր էին պատկերված։ Նա հիշեցրեց, որ հեղափոխության օրերին շատերը «դուխով» գրությամբ գլխարկներ էին հագնում, ապա հարց հնչեցրեց.
«Արա, բա էդ դուխը ո՞ւր է, երբ հայրենիքի շահերը պետք է սպասարկես։ Էդ դուխը ո՞ւր է, ձերը դուխովը չէ, ձերը թուրքովն է, ինչը մեզ համար անընդունելի է։ Նաև բերել ենք ակնոցներ, վստահ եմ, ամեն տղա չի հագնի այս ակնոցները։ Այս ակնոցները հատուկ նախատեսված են Արարատ Միրզոյանի համար Չավուշօղլուի հետ հանդիպելու համար, որովհետև ինքը Թուրքիան տեսնում է վարդագույն ակնոցներով, ինքը չգիտի՝ ինչ է ցեղասպանությունը, արցախհան պատերազմները։ Նվերները դնում ենք այստեղ, սպասեն ք, որ Արարտը գա, վերցնի։ Արո ջան, արի, նվերները վերցրու։ Նիկոլին ասում ենք՝ ոչ, Թուրքիային ասում ենք՝ ոչ»,-ասաց ակցիայի մասնակից երիտասարդը։
Նվերները հայտարարելուց հետո ակցիայի մասնակիցները երթով շարժվեցին դեպի կառավարություն։
Նշենք, որ Արտաքին գործերի նախարարության դիմաց այս պահին բողոքի ակցիա են իրականացնում ՀՅԴ-ական եւ ՀՀԿ-ական ու այլ երիտասարդներ։ ԱԳՆ շենքը հսկում են բազմաթիվ ոստիկաններ, որոնք պատ են կազմել ու փակել դեպի նախարարություն տանող ճանապարհը:
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
ԱՄՆ-ն ցանկանում է հանգստավայր կառուցել Գազայի հատվածի ավերակների վրա
Մակրոնը հայտարարել է լայնածավալ ռազմական ծրագրի մեկնարկի մասին
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Արփի Լենդ» ՍՊԸ-ին պատկանող սպանդանոցի արտադրական գործունեությունը
Գյումրիում կատարված uպանnւթյnւնը բացահայտվել է, մեկ անձ ձերբակալվել է
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Փրկարար ծառայությունն ամփոփում է անցած շաբաթը