Մեր պաշտպանության տակ ենք վերցնում քաղաքական դրդապատճառներով հետապնդվող բոլոր այլախոհներին
«Աշոտ Մինասյանի և բոլոր քաղաքական հետապնդումների ենթարկվածների պաշտպանության խորհուրդ»-ը հայտարարում է գործունեության շրջանակներն ընդլայնելու եւ ՀՀ-ում «քաղաքական դրդապատճառներով հետապնդումների ենթարկվող բոլոր այլախոհներին» իր պաշտպանության տակ առնելու մասին։
«Սիրելի՛ հայրենակիցներ, ինչպես գիտեք՝ երկամսյա ապօրինի կալանավորումից հետո ազատ արձակվեց «Սիսական» ջոկատի լեգենդար հրամանատար Աշոտ Մինասյան-Երկաթը։
Սա, անշուշտ, հաղթանակ է, բայց ոչ վերջնական։
Կալանավայրերում են գտնվում դեռևս մի խումբ հայրենանվեր հայորդիներ՝ Գորիսի և Վանաձորի ընտրված քաղաքապետեր Առուշ Առուշանյանը և Մամիկոն Ասլանյանը, «Ազգային անվտանգություն» կուսակցության ղեկավար Գառնիկ Իսագուլյանը, «Այլընտրանք» ՀԿ ղեկավար, «Հայաստան» դաշինքի անդամ Նարեկ Մանթաշյանը և այլք։
Շարունակվում են քաղաքական հետապնդումները նույն Աշոտ Մինասյան-Երկաթի, պրոֆեսոր Արմեն Չարչյանի, «Վերադարձ» հիմնադրամի նախագահ Արագած Ախոյանի, «Հայոց ազգային գվարդիա»-ի հիմնադիր-նախագահ Արշակ Զաքարյանի, համակարգող Տիգրան Չոբանյանի, «Կամք» նախաձեռնության ղեկավար Վահագն Չախալյանի, աշխարհահռչակ բռնցքամարտիկ Իսրայել Հակոբկոխյանի, «Իրավունքի և արժեքների գերակայություն» իրավապաշտպան ՀԿ համանախագահ Սոնա Աղեկյանի և ուրիշների նկատմամբ։
«Աշոտ Մինասյանի պաշտպանության խորհուրդ»-ը համոզված է, որ այլախոհության նկատմամբ անհանդուրժողականությունը և քաղաքական հետապնդումները ՀՀ-ում կազմաքանդում են իրենց «ժողովրդական բաստիոն» հռչակած երկրի ժողովրդավարության վերջին փշրանքները։ Ակնհայտ է, որ այս հետապնդումների հիմնանպատակը գործող իշխանության արդեն իսկ նշմարվող օրհասը երկարաձգելու հուսահատ փորձ է։
Ելնելով այս ամենից՝ «Աշոտ Մինասյանի պաշտպանության խորհուրդ»-ը հայտարարում է, որ ընդլայնում է իր գործունեության շրջանակները և իր պաշտպանության տակ է վերցնում ՀՀ-ում քաղաքական դրդապատճառներով հետապնդումների ենթարկվող բոլոր այլախոհներին։
Կոչ ենք անում բոլոր իրավապաշտպան կառույցներին և անհատներին, նաև բոլոր նրանց, ովքեր անտարբեր չեն երկրի գոյությանն ու ապագային սպառնացող վտանգների հանդեպ, միավորվել և համատեղ ջանքերով նպաստել ստեղծված իրավիճակից Հայրենիքը դուրս բերելու գործին»,- նշված է կառույցի տարածած հայտարարությունում։
Փաշինյանի հրամանով փակման ենթակա խանութում ՊԵԿ-ը նախկինում ձեռնարկել էր օպերատիվ-հետախուզական միջոցա...
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
ԱՄՆ-ն նախատեսում է 2-2,5 տարվա ընթացքում կառուցել նոր դասի ռшզմանավեր. Թրամփ