Պապիկյանը չի տիրապետում 2021-ին ԶՈւ-ում գրանցված ոչ մարտական կորուստների թվին․ Տիգրան Աբրահամյան
Կառավարության հետ հարցուպատասխանի ժամանակ պաշտպանության նախարարին հարցադրումներ եմ ուղղել, որին տրվեց կատաստրոֆիկ պատասխաններ։ Մի մասին առհասարակ չտրվեց։ Այս մասին ֆեյսբուքյան իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը:
«Նախ պաշտպանության նախարարը չի տիրապետում մեր զինված ուժերում 2021 թվականի ընթացքում գրանցված ոչ մարտական կորուստների թվին։ Սա այն դեպքում, որ յուրաքանչյուրը ըստ մանրամասների պետք է տիրապետեր։
Երկրորդ, պարզ դարձավ, որ մարտական դիրքերից 2 զինծառայողներ են անհետացել՝ մայիսին և նոյեմբերին, որոնցից մեկի վերաբերյալ պաշտպանության նախարարությունը պաշտոնական հաղորդագրություն չի տվել։ Թաքցվել է։
Նշեմ, որ խոսքը չի վերաբերվում, օրինակ՝ մայիսի 12-ի կամ նոյեմբերի 16-ի ադրբեջանական ագրեսիայի հետևանքով գերեվարված կամ անհետ կորած զինծառայողների։
Ի զարմանս ինձ, պաշտպանության նախարարը զարմացած էր, որ կան տեղեկություններ, որոնք հնչեցնում եմ կամ դրանց հիման վրա հայտարարություն եմ անում ՊՆ-ից թեմայի վերաբերյալ որոշ պարզաբանումներ ստանալուց հետո։ Ես մտածում էի, որ նախարարը պետք է զարմանար, եթե եզրահանգումներ անեի չճշտված փաստերի հիման վրա։
Առհասարակ Պապիկյանը բավականին տարօրինակ վարքագիծ էր դրսևորում, օրինակ՝ իմ այն հարցադրմանն ի պատասխան, թե արդյո՞ք վերլուծվել է բանակում ոչ մարտական կորուստները դրդապատճառները, նշեց մի քանի հանգամանք, այդ թվում՝ որոշակի մեղավորություն բարդելով մամուլի և ընդդիմության վրա՝ ենթադրում եմ շատ միջադեպերի մասին հրապարակային խոսք հնչեցնելու համար։ Այսինքն՝ լրատվամիջոցները և ընդդիմադիր առանձին գործիչներ, ըստ այդ տրամաբանության նպաստել են զինված ուժերում ոչ մարտական կորուստների ավելացմանը։ Ավելի խայտառակ պատասխան դժվար էր ակնկալել։
Պապիկյանը կատարելագործում է իր նախորդների ոչ մի տեղ չտանող գործելաոճը՝ ՊՆ-ն վերածելով փակ կառույցի։ Այսպես կոչված գաղտնի տեղեկությունների անվան տակ հասարակությունից թաքցնում տեղեկություններ, որոնք ոչ մի առնչություն չունեն ծառայողական կամ պետական գաղտնիքի հետ։
Հասկանալի է, որ Պապիկյանը գործում է այս իշխանության տրամաբանության ներքո և շատ բանի համար չպետք է զարմանալ, բայց իր այս վարքով նա հավակնում է վազանց կատարել նույնիսկ Վաղարշակ Հարությունյանին»,- գրել է Աբրահամյանը։
«Բավարիայի» կիսապաշտպանը՝ Ավստրիայի լավագույն ֆուտբոլիստ
Իսպանացի արքայադուստրը խախտել է թագավորական ընտանիքի ավանդույթը
Ադրբեջանը հայտարարել է, որ «արագացված տեմպերով կառուցում է Զանգեզուրի միջանցքը»
Կասեցվել է «Բելիսսիմո Գրուպ»-ին պատկանող մսամթերքի արտադրամասի արտադրական գործունեությունը
Վարչապետի կամ ՔՊ վարչության ցանկացած որոշման հետ հաշտ եմ. պաշտոնը մեր տնից չեմ բերել. Շիրակի մարզպետ
ԲԴԽ-ն դատավոր Արշակ Պետրոսյանին նախազգուշացում հայտարարեց
«Աչքս դռանն է, միշտ Ռաֆոյիս եմ սպասում, որ դուռը բացելու է և ներս մտնի». Ռաֆայել Ֆրանգուլ յանն անմահ...
Ապօրինի ձեռնարկատիրական գործունեություն իրականացրած ընկերությունը վերականգնել է պետությանը պատճառված...
Մայքլ Ջեքսոնի թիկնապահը բացատրել է էփշտեյնի հետ լուսանկարում փոփ արքայի հայտնվելը
Ձերբակալվել է Վրաստանի պետական անվտանգության ծառայության նախկին ղեկավարը