4-5 ամիս պահանջվեց՝ ամենապարզ ճշմարտությունն արձանագրելու համար. Արամ Վարդևանյան

«Դեռ 4-5 ամիս առաջ էինք ասել, որ նրանց կալանավորումն աբսուրդ է: Օգոստոսի 2-ին՝ 8-րդ գումարման ԱԺ առաջին նիստում մեր խմբակցությունը, «Պատիվ ունեմ» խմբակցությունը հայտարարում էինք, որ կալանավորումն աբսուրդ է պատգամավորի կարգավիճակ ունեցող անձի դեպքում, եթե չկա ԱԺ համաձայնությունը: Մի քանի անգամ նույնիսկ Սահմանադրության 96-րդ հոդվածը բառացիորեն ընթերցվել է ԱԺ նիստի ընթացքում, այդ ընթերցողներից մեկը ես եմ եղել: Բայց դուք տեսա՞ք՝ որքան պետք է տևեր այս գործընթացը, որ այս պարզ ճշմարտությունն արձանագրվեր»,- ճեպազրույցների ընթացքում ասաց ՀՀ ազգային ժողովի ընդդիմադիր «Հայաստան» խմբակցության պատգամավոր Արամ Վարդևանյանը` անդրադառնալով իրենց խմբակցության՝ կալանքից ազատ արձակված պատգամավորներին:

4-5 ամիս պահանջվեց՝ ամենապարզ ճշմարտությունն արձանագրելու համար՝ այն էլ սահմանադրական արդարադատության ճանապարհով,-ասաց նա:

Պատգամավորը մեղադրեց դատավորներին՝ իրենց խմբակցության պատգամավորներին կալանավորելու որոշում կայացնելու համար: «Ոչ մեկ ոչ մի լուծում չտվեց՝ բացառությամբ Սահմանադրական դատարանի, որը, իհարկե, ծայրահեղ միջոց է, բայց կյանքը ցույց տվեց, որ գործուն միջոց էր»,-ասաց Վարդանյանը: