Հանձնաժողովն հենց այսօր նամակ է հասցեագրելու Գագիկ Ջհանգիրյանին, Կարեն Անդրեասյանին
ԱԺ «Հայաստան» խմբակցության պատգամավոր Արամ Վարդևանյանը այսօր հրավիրած մամուլի ասուլիսի ընթացքում ներկայացրեց ԱԺ-ում ստեղծված իրավական հարցերով քննիչ հանձնաժողովի ստեղծման ու գործունեության հիմնական նպատակները:
Ըստ Վարդևանյանի՝ հանձնաժողովն ուսումնասիրելու է, թե ինչ է կատարվում դատական համակարգում, ինչո՞ւ մինչ այսօր չի գործում պատահականության սկզբունքով դատական գործերի մակագրման համակարգը,որը ներդրվել է դեռևս 2013-14 թվականներին, ինչո՞ւ են քաղաքական բնույթ ունեցող գործերը մակագրվում կոնկրետ դատավորների, ինչու է Արդարադատության նախարարությունը կարգապահական պատասխանատվության վարույթներ կիրառում այն դատավորների նկատմամբ, որոնք վայելում են ինչպես հասարակության, այնպես էլ մասնագիտական հանրության վստահությունը։
«Քննիչ հանձնաժողովը հենց այսօր հասցեագրելու է գրություններ ԲԴԽ նախագահի պաշտոնակատար Գագիկ Ջհանգիրյանին՝ խնդրելով, որպեսզի վերջինս ԱԺ կանոնակարգ-սահմանադրական օրենքի համաձայն՝ ներկայանա ԱԺ և պատասխանի այն հարցադրումներին, որոնք կներկայացվեն հանձնաժողովի կողմից։ Գրություն է հասցեագրվելու նաև արդարադատության նախարար Կարեն Անդրեասյանին, մի շարք այլ անձանց, այդ թվում՝ փաստաբանների, որոնք կցանկանան ներկայացնել որոշակի տեղեկություններ ստեղծված իրավիճակի վերաբերյալ»,- նշեց Վարդևանյանը՝ հավելելով․
«Ես ձեզ կարող եմ ասել, որ դատարաններում առկա իրավիճակը ուղղակիորեն վերաբերում է Հայաստանի անվտանգության հետ կապված խնդիրներին։ Վստահ եմ, որ ձեզնից շատ-շատերը տեղյակ են, թե ինչի համար Սյունիքի մարզի համայնքների ղեկավարներն ու նախկին ղեկավարները կալանավորված, և իրենց կալանավորումը ուղղակիորեն ազդում է ՀՀ անվտանգության իրավիճակի վրա, սա պարզ է բոլորին, բայց այդ մարդիկ շարունակում են լինել կալանավորված։ Հարց է առաջանում, թե ինչպես է պատգամավոր Արթուր Սարգսյանը, որին առաջադրված մեղադրանքի վաղեմության ժամկետին մնում են շաբաթներ, վաղեմության ժամկետը երբ լրանում է, մարդը չի կարող կալանավորված լինել, բայց Արթուր Սարգսյանին կալանավորում են, Սիսիանի նախկին համայնքապետ Արթուր Սարգսյանը, որը կարողացել է ջոկատ կազմել, և Սիսիանում ռազմավարական նշանակության դիրքեր պահել»,- ասաց Վարդևանյանը։
Կորցրած գումարներ՝ ուշացող արդարություն
Նոր կանոններ Yandex Go-ի վարորդների և ծառայությունից օգտվող քաղաքացիների համար
Ասում են՝ մենք էլ մտնենք ԹՐԻՓՓ, անեիք, 100 տարի է այստեղ եք. Ալեն Սիմոնյանը՝ ՌԴ պաշտոնյաներին
Երեւանում դպրոցներից մեկի ֆիզկուլտուրայի դահլիճում 11-ամյա երեխաները հրել և վայր են գցել համադասարան...
CPS-ի հերթական բենզալցակայանի գործունեությունը կասեցվել է․ հայտնաբերվել է թերլիցքավորում
Հակոբ Մովսեսի լիազորությունները չեն դադարեցվել. Տիգրան Հակոբյան
Իրանում մի քանի քաղաքական գործիչների են ձերբակալել՝ հունվարին բողոքի ակցիաների մասնակիցներին սատարել...
Ավիահարվածներով և պատերազմով Իրանում ռեժիմի փոփոխություն չի լինի
Եթե Իրանի քաղաքացիները ցանկանում են տապшլել ռեժիմը, դա նրանց գործն է․ Վենս
«Հանրամեդիա»․ Լրագրողների մի մասն ունի անպատժելիության կեղծ զգացողություն (տեսանյութ)