«Անտեսանելի ճակատի մարտիկները». ԱԱԾ պահեստազորի սպաների միությունը հրապարակումների շարք է նախաձեռնում
«Անտեսանելի ճակատի մարտիկները» խորագրի տակ ԱԱԾ պահեստազորի սպաների միությունը նախաձեռնում է մեր մարտիկների՝ անվանի հայ հետախույզների, հակահետախույզների, կյանքին ու գործին նվիրված հրապարակումների շարք:
Դրանք մատուցման իրենց ձևի մեջ կունենան համառոտ տեղեկատվական բնույթ՝ հետագայում չբացառելով ընդհուպ առանձին հրապարակումների տեսքով լայնածավալ անդրադարձերը:
Խնդրո առնչությամբ դիմում ենք ընթերցողին՝ եթե տիրապետում եք չհրապարակված նյութերի, ձեռքի տակ ունեք լուսանկարներ, ուղղարկեք մեր էլեկտրոնային հասցեին: Ունենալով Ձեր համաձայնությունը՝ կբարձրաձայնվի Ձեր ովությունը:
Հայրենիքի նվիրյալներից այսօր մեզ մոտ առաջինը համաշխարհային հետախուզության լեգենդ Գևորգ Վարդանյանն է:
ԼԵԳԵՆԴՆԵՐԻ ԼԵԳԵՆԴԸ
Գևորգ Անդրեյի Վարդանյանը (1924-2012) համաշխարհային հետախուզության երբևիցե ունեցած ամենանշանավոր դեմքերից է, ով, մասնավորապես, բացառիկ դերակատարություն է ունեցել 1943 թվին Թեհրանում «Մեծ եռյակի» անվտանգությունն ապահովելու հարցում: Սակայն իր բացառիկությամբ հանդերձ սա նրա իրադարձություններով հարուստ կենսագրության դրվագներից ընդամենը մեկն է:
Մեկ հատկանշական փաստ ևս անվանի հետախույզի անցած ուղուց:
Գևորգ Վարդանյանը Խորհրդային Միության անլեգալ հետախուզության առաջին աշխատակիցն է, ով խաղաղ պայմաններում արտասահմանում կատարած աշխատանքի համար արժանացել է Խորհրդային Միության հերոսի կոչման:
Գևորգ Վարդանյանը և նրա կինը` Գոհար Վարդանյանը, հայ ազգի այն մեծություններից են, որոնց կերպարն աճող սերնդի համար պետք է ունենա դաստիարակչական հզոր նշանակություն, նպաստի, որ երիտասարդները ձգտեն ծառայության անցնել ազգային անվտանգության համակարգում և իրենց անմանցորդ մասնակցությունը բերեն մեր հայրենիքի անվտանգային խնդիրների լուծմանը:
Այս առումով կարևորում ենք ազգային անվտանգության վարչական շենքի Խանջյան-Նալբանդյան մուտքի մոտ Գևորգ և Գոհար Վարդանյանների արձանը և ՀՀ ԱԱԾ զինանշանը տեղադրելու մասին ՀՀ կառավարությանը դեռևս տարիներ առաջ արված առաջարկը, որն այդպես էլ կյանքի չկոչվեց: ՀՀ իշխանություններին և հատկապես ՀՀ նախագահին դիմելով, ով անձնապես է ճանաչել Վարդանյան ընտանիքին, կրկին կոչ ենք անում իրականացնել առաջարկը:
Կորցրած գումարներ՝ ուշացող արդարություն
Նոր կանոններ Yandex Go-ի վարորդների և ծառայությունից օգտվող քաղաքացիների համար
Ասում են՝ մենք էլ մտնենք ԹՐԻՓՓ, անեիք, 100 տարի է այստեղ եք. Ալեն Սիմոնյանը՝ ՌԴ պաշտոնյաներին
Ո՞վ է Ջեյմս Դեյվիդ Վենսի կինը, ԱՄՆ երկրորդ լեդին
CPS-ի հերթական բենզալցակայանի գործունեությունը կասեցվել է․ հայտնաբերվել է թերլիցքավորում
Հակոբ Մովսեսի լիազորությունները չեն դադարեցվել. Տիգրան Հակոբյան
Եթե Իրանի քաղաքացիները ցանկանում են տապшլել ռեժիմը, դա նրանց գործն է․ Վենս
Ավիահարվածներով և պատերազմով Իրանում ռեժիմի փոփոխություն չի լինի
27-ամյա երիտասարդի մեքենայում խոշոր չափի թմրամիջոց է հայտնաբերվել. Երևանի քրեական ոստիկանների բացահա...
ԵՄ-ն զիջումներ է ուզում Մոսկվայից, այլ ոչ թե Կիևից․ Կայա Կալաս