Սյունյաց ողջույնը կարող է ինքնաբուխ լինել. Կապանի քաղաքապետը` Փաշինյանին դիմավորելու մասին (տեսանյութ)

Կապանում երեկ «Հայաստան» դաշինքի հանրահավաքին մասնակցում էր նաև Կապանի քաղաքապետ Գևորգ Փարսյանը: Նրանից տևական ժամանակ չէինք կարողանում մեկնաբանություն ստանալ ընտրությունների վերաբերյալ և իմանալ, թե որ ուժին է սատարելու: Hraparak.am-ի հետ զրույցում երեկ Փարսյանն ասաց, որ ինքը ևս, ինչպես Սյունիքի շատ համայնքապետեր, աջակցում է Ռոբերտ Քոչարյանի գլխավորած «Հայաստան» դաշինքին: Իսկ թե ինչու, այդ դեպքում, չանդամակցեց Սյունիքի նախկին մարզպետ Վահե Հակոբյանի գլխավորած «Վերածնվող Հայաստան» կուսակցությանը Մեղրիի, Քաջարանի, Սիսիանի համայնքապետերի նման, Փարսյանն ասաց` պարզապես չէր ցանկանում կուսակցական լինել:

Հարցրինք նաև` տեղյա՞կ է, թե Նիկոլ Փաշինյանը երբ է գալու Սյունիք, և էլի հայտնի սյունյաց ողջույնո՞վ են դիմավորելու նրան, Փարսյանն ասաց. «Նիկոլ Փաշինյանը, իմ ունեցած տեղեկություններով, այցելելու է տարածաշրջան ընտրություններից երկու-երեք օր առաջ: Ես չեմ կարող ասել` ինչպես կդիմավորեն, սյունյաց ողջույնը կարող է ինքնաբուխ լինել»:

Փարսյանի հետ զրուցել ենք նաև անվտանգային հարցերի շուրջ, քանի որ թշնամին եկել ու նստել է Կապանի սարերին` իր բռի մեջ առնելով ամբողջ քաղաքը:

Փարսյանն ասաց, որ եթե Ռոբերտ Քոչարյանը գա իշխանության, նա նույնիսկ այս պայմաններում զիջումների չի գնա:

Մանրամասն` տեսանյութում