Մադրիդի «Ռեալի» առաջատարները դժգոհ են Արբելոայի տակտիկական որոշումներից
Մադրիդի «Ռեալում» կրքերը չեն հանդարտվում։ «Ռայո Վալյեկանոյի» դեմ տարած դժվարին հաղթանակից հետո ֆուտբոլիստների և ժամանակավոր մարզիչ Ալվարո Արբելոայի միջև լարված խոսակցություն է տեղի ունեցել, ինչի պատճառով հետխաղյա մամուլի ասուլիսը ուշացել է ավելի քան մեկ ժամով։
Ըստ իսպանական մամուլի՝ թիմի առաջատարները դժգոհ են Արբելոայի տակտիկական որոշումներից և նրան ընկալում են զուտ որպես ժամանակավոր և ոչ բավարար հեղինակություն ունեցող մասնագետի։
Թեև շրջանառվում էր վարկած, թե Խաբի Ալոնսոն հեռացել է ֆուտբոլիստների (Վինիսիուս, Բելինգհեմ) հետ կոնֆլիկտի պատճառով, իրականում խնդիրը կապված է եղել Անտոնիո Պինտուսի հետ։ Ֆլորենտինո Պերեսը պահանջել է վերադարձնել իտալացի մասնագետին՝ թիմի ֆիզիկական վիճակը շտկելու համար, սակայն Ալոնսոն կտրականապես մերժել է՝ հավատարիմ մնալով իր շտաբին։ Արդյունքում բասկ մասնագետը հեռացվել է։
Այժմ Պերեսը ամբողջ հույսը դրել է Պինտուսի վրա։ Նախագահը կարծում է, որ թիմի անհաջողությունների հիմնական պատճառը վատ ֆիզիկական պատրաստվածությունն է։ Պինտուսն արդեն սկսել է հատուկ մարզումային ծրագիր՝ կիրառելով հիպոքսիայի դիմակներ, որպեսզի թիմին պատրաստի փետրվարի 17-ին կայանալիք Չեմպիոնների լիգայի հանդիպմանը, որտեղ «Արքայական ակումբի» մրցակիցը Ժոզե Մոուրինյուի գլխավորած «Բենֆիկան» է։
Արբելոան, ի տարբերություն Ալոնսոյի, լիովին աջակցում է Պինտուսի վերադարձին և ենթարկվում ղեկավարության որոշումներին։
ՀՀ տարածքում Ադրբեջանի ԶՈՒ դիրք չի կառուցվել. ՊՆ մամուլի խոսնակ
Ցիկլոնի ներթափանցմամբ պայմանավորված տեղումներ, բուք կլինեն
Թրամփի կրտսեր որդուն առաջարկել են ուղարկել Իրան․ Bild
Սեյեդ Մոջթաբա Խամենեին պաշտոնապես ընտրվել է Իրանի գերագույն առաջնորդ. Fars
Մասնագիտական ուսուցումը կարող է ավելի գրավիչ դառնալ
Ինչո՞ւ է աղմկում Երևանը
Իրանը հայտարարել է, որ կհարվածի ցանկացած տարածքի, որտեղից ԱՄՆ-ն կհարձակվի իր վրա
«Հայաստանի էլեկտրական ցանցեր» ընկերությունը հաղորդագրություն է տարածել
Անչափահասների կողմից կատարված հանցագործություններ. 2025 թվական
Արաղչին, Իրանի դիվանագետների անունից, հավատարմության երդում է տվել նոր գերագույն առաջնորդին