Արյունոտ քաղաքական առեւտուր. երեւաց, որ Նիկոլն սկսել է վախենալ ապագայից. Միքայել Մինասյան

Արյունոտ քաղաքական առեւտուր: Այս մասին facebook-ի իր էջում գրել է Վատիկանում ՀՀ նախկին դեսպան Միքայել Մինասյանը:

Նա, մասնավորապես, նշել է. «Ինչ էր ուզում Նաիրի Հունանյանը, երբ սպանեց հող պահող պետական գործիչներին, այո, արյունոտ քաղաքական առեւտուր: Կարելի՞ էր արդյոք բանակցել Նաիրիի հետ։ Պատասխանը՝ ոչ։

Ով որ կմասնակցեր մարդասպանի առաջարկած քաղաքական գործընթացին, կվերցներ իր վրա հող պահողների արյունը։ Բոլորը դա հասկացան։

Ու Նաիրին գնաց բանտ։

Նիկոլը սպանեց հող պահողներին։ Հիմա ինչ է ուզում Նիկոլը, այո՜, արյունոտ քաղաքական առեւտուր՝ արտահերթ ընտրություններ։ Կարելի՞ է արդյոք բանակցել Նիկոլի հետ։

Պատասխանը՝ ոչ, եթե չես ուզում 5000 հոգու արյունը դնես քո եւ երեխաներիդ վրա եւ Նիկոլի հետ կիսես ազգային դավաճանի խայտառակ կնիքը հավիտյանս։

Ո՞րն է տարբերությունը Նաիրիի եւ Նիկոլի միջեւ։ Նաիրին առաջարկելու ոչինչ չուներ, Նիկոլն՝ ունի. նա առաջարկում է իշխանության բաժնեմաս։ Նիկոլն ուղիղ ասում է՝ արտահերթ ընտրություններից հետո ձեզ կտամ իշխանության մի մասը, եթե ձեզ օգտագործեմ։ Ես կփորձեմ խուսափել դատարանից, կհայտնվեմ ԱԺ-ում, դուք էլ կվերցնեք այնքան, որքան կարող եք։

Ի՞նչ է լինելու. ոչինչ, բացի որ պաշտոնական կդառնա Նիկոլի գործակալների ցանցը, ում հետ նա արդեն գաղտնի բանակցել ու պայմանավորվել է։

Հ.Գ. Նիկոլը սկսում է առերեսվել իրականության հետ՝ հասկանալով, որ չի կարողանում պլստալ։ Եվ փորձում է կիսել այն, ինչն արդեն իրենը չէ՝ ժողովրդի իշխանությունը՝ վախը հոգում, աչքերում եւ ծնկներում։

Անիմաստ քայլ էր, բայց գոնե երեւաց, որ սկսել է վախենալ ապագայից»: