Նոան նոր հարձակվող ունի

Հայաստանի գործող չեմպիոն և գավաթակիր «Նոային» է միանում 27-ամյա ռումինացի վինգեր Վալենտին Կոստաշը։ Այս մասին հայտնում է երևանյան ակումբի մամուլի ծառայությունը։

​Ընթացիկ մրցաշրջանում անցկացրած 31 խաղերում Կոստաշը դարձել է 11 գոլի և 4 գոլային փոխանցման հեղինակ։

​Ֆուտբոլիստը Սանդրո Պերկովիչի գլխավորած ակումբում կկրի 20 համարի մարզաշապիկը։

Ավելի վաղ հայտնի էր դարձել, որ ռումինական ակումբը որպես փոխհատուցում կստանա 200 հազար եվրո, իսկ Կոստաշի աշխատավարձը հայկական թիմում կկազմի ամսական 30 հազար եվրո։

Transfermarkt-ը հարձակվողի տրանսֆերային արժեքը գնահատում է 1 միլիոն եվրո։