Հնդիկների շուրջ 70 տոկոսը չի ցանկանում պատվաստվել կորոնավիրուսի դեմ
Հնդկաստանի բնակչության շուրջ 70 տոկոսը չի պատրաստվում պատվաստվել կորոնավիրուսի դեմ: Այդ մասին կիրակի հաղորդել է The Indian Express թերթը՝ հղում անելով հասարակական կարիծիքի հարցման տվյալների վրա, որն անցկացվել է դեկտեմբերին:
Պարբերականի հաղորդմամբ՝ հիմնական պատճառները, որ բնակչությունը չի ցանկանում պատվաստվել, սահմանափակ տեղեկատվությունն է, ինչպես նաեւ համոզմունքը, որ իմունիտետի բարձր մակարդակը կպաշտպանի վարակից:
Հարցմանը մասնակցել է ավելի քան 18 հազար մարդ, այն անցկացվել է Հնդկաստանի 242 շրջաններում: Ընդ որում՝ հարցմանը մասնակցած բուժաշխատողների 45 տոկոսը հայտարարել է կորոնավիրուսի դեմ պատվաստվելու ցանկության մասին, մինչդեռ այդ խմբի 55 տոկոսը որոշել է հետաձգել պատվաստումը կամ դեռեւս որոշում չի կայացրել այդ հարցի շուրջ:
Դեկտեմբերի 18-ին Հնդկաստանի առողջապահության նախարարությունը հայտնել է, որ կորոնավիրուսի դեմ պատվաստումը երկրում կլինի անվճար եւ կամավոր հիմունքներով: Հասարակության մեծամասնությանը պատվաստելու համար կպահանջվի ավելի քան մեկ տարի:
Հնդկաստանում անցկացվում են կորոնավիրուսի դեմ վեց պատվաստանյութերի կլինիկական փորձարկումները: Դրանցից մեկը ռուսական «Սպուտնիկ V»-ն է: Բացի այդ, մի քանի դեղամիջոց գտնվում է նախակլինիկական փորձակումների փուլում: Այս շաբաթ ավելի վաղ առողջապահության նախարար Ձաջեշ Բխուշանը հայտնել է, որ 2021 թվականի հուլիս-օգոստոս ամիսներին Հնսկաստանը պատրաստվում է ստանալ 400-500 դեղաչափ պատվաստանյութ, իսկ պատվաստման առաջին փուլում կընդգրկվի 250-300 մլն մարդ, հաղորդում է ՏԱՍՍ-ը: