Պուտին. Ղարաբաղում հակամարտությունը մեծացրել է ահաբեկչության տարածման ռիսկերը
Լեռնային Ղարաբաղում հակամարտությունը մեծացրել է ահաբեկչության տարածման ռիսկերը: Այս մասին ԱՊՀ պետությունների ղեկավարների խորհրդի նիստի ժամանակ հայտարարել է ՌԴ նախագահ Վլադիմիր Պուտինը, հաղորդում է ՏԱՍՍ-ը:
«Մենք բոլորս անհանգստանում էինք Լեռնային Ղարաբաղում զինված հակամարտության կապակցությամբ, որում ներագրավված էին մեր բոլորիս բարեկամ երկու պետություններ՝ ԱՊՀ անդամներ Ադրբեջանն ու Հայաստանը»,-ասել է Պուտինը: Նրա խոսքով՝ բախումները հանգեցրել են բազմաթիվ մարդկային զոհերի, սրել առանց այդ էլ բարդ իրավիճակն Անդրկովկասում, մեծացրել ահաբեկչական սպառնալիքի տարածման ռիսկերը:
Պուտինը հիշեցրել է, որ «Ռուսաստանը որոշակի միջնորդական ջանքեր է ձեռնարկել՝ Լեռնային Ղարաբաղի հակամարտության գոտում արյունահեղությունը դադարեցնելու, կրակի լիարժեք դադարեցման հասնելու եւ կայունացման գործընթաց սկսելու համար»: «Ընդ որում, մենք ձգտել ենք հետեւել առանցքային համաձայնություններին, որոնք ձեռք են բերվել ԵԱՀԿ Մինսկի խմբի շրջանակում»,-ասել է Պուտինը:
Նա հիշեցրել է եռակողմ համաձայնության մասին, որը ստորագրվել է նոյեմբերի 9-ին: «Կարեւոր է, որպեսզի այն հետեւողականորեն իրականացվի: Շփման գծում տեղակայված ռուս խաղաղապահներն անում են ամեն ինչ իրավիճակի նոր սրում թույլ չտալու համար»,-ասել է ՌԴ նախագահը:
Նրա կարծիքով՝ «այժմ միջազգային հանրության եւ ԱՊՀ երկրների առջեւ կարեւոր խնդիր է դրված՝ օգնել տուժած շրջաններին, լուծել մարդասիրական խնդիրները՝ այդ թվում կապված փախստականների վերադարձի, ենթակառուցվածքների վերականգնման, պատմական, մշակութային եւ կրոնական հուշարձանների վերականգնման եւ պաշտպանության հետ»:
ՌԴ նախագահն ընդգծել է, որ «եւս մեկ լուրջ մարտահարվեր են իրենց բնույթով աննախադեպ արտաքինից միջամտության փորձերը ԱՊՀ որոշ երկրների ներքին գործերին»:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Մակրոնը և Սթարմերը Ուկրաինայի հարցով հանդիպում են հրավիրել
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
ԱՄՆ-ի գործողությունները Հորմուզի նեղուցում փակուղի են. Արաղչի
Հայաստանը ծայրագավառ չի լինելու, և Բելառուսի կառավարման օրինակը իմ երկրի համար անընդունելի է. Ալեն Ս...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
Կասեցվել է Արդենիս գյուղում գործող կաթնամթերքի արտադրամասի գործունեությունը․ ՍԱՏՄ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...