ԵՄ-ն պատրաստ է համագործակցել ԵԱՀԿ Մինսկի խմբի հետ` Կովկասում հակամարտության խաղաղ կարգավորման համար
ԵՄ արտաքին գործերի գերագույն ներկայացուցիչ Ջոզեպ Բորելը հայտարարություն է արել ԵՄ-Հայաստան գործընկերության խորհրդի նիստի կապակցությամբ, որում նշել է, որ ԵՄ-ն պատրաստ է համագործակցել ԵԱՀԿ Մինսկի խմբի հետ ղարաբաղյան հակամարտության խաղաղ կարգավորման համար:
«Այսօր տեղի կունենա ԵՄ-Հայաստան գործընկերության խորհրդի նիստը: Այն տեղի է ունենում շատ սպեցիֆիկ համատեքստում: Նախ, կորոնավիրուսի հարցը դեռ շատ արդիական է. ինչպես պաշտպանել կյանքն ամենուր, այդ թվում` նաեւ Հայաստանում, ինչպես պաշտպանել տնտեսությունն ու աշխատատեղերը, ինչպես վերադարձնել մեր հասարակություններն իրենց նախկին վիճակին: Մենք կքննարկենք կորոնավիրուսի մարտահրավերները եւ կտեսնենք, թե ինչպես կարող ենք օգնել Հայաստանին հաղթահարել այդ մարտահրավերները:
Բայց մեր հանդիպումը տեղի է ունենում Լեռնային Ղարաբաղում եւ դրա շրջակայքում վերջին մասշտաբային ռազմական գործողություններից հետո: Անցյալ տարվա նոյեմբերի 10-ին մոտ` 40 օր առաջ, Ռուսաստանի կողմից կնքված հրադադարի մասին համաձայնագիրը, անկասկած, կանխել է հետագա մարդկային կորուստները: Բայց անցյալ շաբաթ, ցավոք, մենք հրադադարի ռեժիմի խախտումների մասին հաղորդումներ ենք ստացել երկու կողմերից էլ: Հրադադարի ռեժիմի լիակատար պահպանումը հրամայական է մնում: Մենք Եվրամիությունում լիովին պաշտպանում ենք ԵԱՀԿ Մինսկի խմբի ձեւաչափը եւ ակնկալում ենք, որ երկու համանախագահներն էլ կշարունակեն կամ կսկսեն (քանի որ դրանք ընդհատվել էին երկար տարիներ` մինչ (վերջին) պատերազմի բռնկումը) հակամարտության համապարփակ եւ կայուն կարգավորման շուրջ բանակցությունները»,- նշվում է Բորելի հայտարարության մեջ:
Նրա խոսքով` եթե Եվրամիությունը կարող է դերակատարություն ունենալ ղարաբաղյան հակամարտության կողմերի հաշտեցման գործում, ապա պատրաստ է դա անել:
«Անհրաժեշտություն չկա ասելու, որ մենք աջակցում ենք Հայաստանին իր բարեփոխումներում, քանի որ նույնիսկ այսպիսի դժվար պայմաններում` այս պատերազմից հետո, կարեւոր է, որպեսզի Հայաստանը շարունակի իրականացնել իր բարեփոխումների ծրագիրը` հիմնվելով արդեն ձեռք բերվածի վրա ... Եվրամիությունը պատրաստ է համագործակցել Մինսկի խմբի (ԵԱՀԿ) եւ ցանկացած այլ անձի հետ` Կովկասում հակամարտության խաղաղ կարգավորմանը նպաստելու նպատակով»,- ասված է ԵՄ արտաքին գործերի գերագույն ներկայացուցչի հայտարարության մեջ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները