Բորելը հայտարարել է, որ չի կարողացել հանդիպում կազմակերպել Հայաստանի ու Ադրբեջանի ԱԳՆ-ների հետ
ԵՄ արտաքին գործերի գերագույն ներկայացուցիչ Ջոզեպ Բորելը հինգշաբթի հայտնել է, որ փորձել է եռակողմ հանդիպում կազմակերպել Ադրբեջանի եւ Հայաստանի արտգործնախարարների հետ, բայց դա իրեն չի հաջողվել, հաղորդում է «Ինտերֆաքս»-ը:
«Քանի որ երկու նախարարներն էլ կապ էին պահպանում ինձ հետ, մենք փորձեցինք եռակողմ կապ հաստատել` Եվրամիություն, Հայաստան եւ Ադրբեջան: Պարզվեց, որ դա անհնար է, ուստի ես երկու նախարարների հետ առանձին կհանդիպեմ»,- ասել է Բորելը Բրյուսելում ԵՄ-Հայաստան գործընկերության խորհրդի նիստից առաջ, որին մասնակցում է նաեւ Հայաստանի արտգործնախարար Արա Այվազյանը:
Ուրբաթ նախատեսված է ԵՄ-Ադրբեջան համագործակցության խորհուրդը, որին սպասում են նաեւ Ադրբեջանի արտգործնախարար Ջեյհուն Բայրամովին:
Բորելը նշել է, որ այս հանդիպումները տեղի են ունենում Լեռնային Ղարաբաղում լայնածավալ ռազմական գործողություններից հետո:
«Մոտ 40 օր առաջ` նոյեմբերի 10-ին, Ռուսաստանի կողմից ձեռք բերված հրադադարի մասին համաձայնագիրը, անկասկած, կանխեց մարդկային հետագա զոհերը: Բայց անցյալ շաբաթ, ցավոք, հրադադարի ռեժիմի խախտումների մասին հաղորդումներ լսեցինք երկու կողմերից էլ: Հրադադարի ռեժիմի լիարժեք պահպանումը շարունակում է պարտադիր լինել»,- շեշտել է ԵՄ դիվանագիտության ղեկավարը:
Նա հաստատել է, որ Եվրամիությունը լիովին սատարում է ԵԱՀԿ Մինսկի խմբի ձեւաչափին եւ ակնկալում է, որ երկու համանախագահները կշարունակվեն կամ կսկսեն, քանի որ տարիներ տեւած ընդմիջում կար, բանակցություններ հակամարտության համապարփակ եւ կայուն կարգավորման շուրջ:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Երևանում և մարզերում կլինեն էլեկտրաէներգիայի ընդհատումներ
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները