«Հիմա ձեզ համար Ղարաբաղ չկա՞, երևի թե հիմա ամբողջը համարում եք Ադրբեջանի տարածք». Սոլովյովի հարցը Մանե Գևորգյանին
Ռուս հաղորդավար Վլադիմիր Սոլովյովը Соловьёв LIVE յութուբյան ալիքի եթերում հարց է ուղղել Նիկոլ Փաշինյանի մամուլի խոսնակ Մանե Գևորգյանին՝ իր զարմանքը հայտնելով ադրբեջանական զինուժի կողմից ռազմական գործողությունների վերսկսման առնչությամբ նրա հայտարարությանը:
«Ճիշտ եմ արդյո՞ք հասկանում, որ Հայաստանի վարչապետի, Հայաստանի նախագահի գործը չէ մեկնաբանել այն ամենն, ինչ տեղի է ունեցում Ղարաբաղում: Ճիշտ եմ արդյո՞ք հասկանում, որ Հայաստանի նախագահը, Հայաստանի վարչապետն իրենց իրավասու չեն համարում մեկնաբանելու ինչպես, երևի, դուք եք կարծում, Ադրբեջանի տարածքում տեղի ունեցողը: Այսինքն, հիմա ձեզ համար Ղարաբաղ չկա՞: Երևի թե հիմա ամբողջը համարում ե՞ք Ադրբեջանի տարածք»,- հարցադրում է արել Սոլովյովն՝ անդրադառնալով Մանե Գևորգյանի հայտարարությանը, որ ադրբեջանական ուժերի հարձակումը Հին Թաղեր-Խծաբերդ ուղղությամբ պետք է արժանանա առաջին հերթին ՌԴ խաղաղապահների արձագանքին: