Մոծակների դեմ սփրեյը սպանո՞ւմ է կորոնավիրուսը
Բրիտանիայի ռազմական-կիրառական հետազոտությունների եւ տեխնոլոգիաների լաբորատորիայի (Dstl) գիտնականները պարզել են, որ ցիտրիդոլը, որը մտնում է Mosi-guard Natural ռեպելենտի բաղադրության մեջ, որոշ չափով կարող է օգտագործվել կորոնավիրուսի դեմ պայքարի համար, ասված է բրիտանական կառավարության կայքում հրապարակված զեկույցում, հայտնում է BBC-ն: ...
Իրականացվել է երկու տեսակի փորձարկում: Պարզվել է, որ եթե հեղուկ վիճակում ռեպելենտը խառնենք վիրուսի մասնիկների հետ, ապա սփրեյը բավական արդյունավետ կերպով ոչնչացնում է դրանք, իսկ մարդու մաշկի սինթետիկ անալոգի վրա վիրուսի մասնիկները չի կարող լիովին հաղթահարել:
Զեկույցում ընդգծվում է, որ լատեքսից սինթետիկ կաշին օգտագործվում է որպես բնորոշ մակերեւույթ, որն իր հատկանիշներով մարդու մաշկ է հիշեցնում, սակայն քիչ հավանական է, որ իրեն մարդու մաշկի պես դրսեւորի:
Հետազոտության հրապարակված արդյունքներում ռեպելենտի արդյունավետության մասին բերվում են միայն նախնական եզրակացություններ: Գիտնականները հուսով են, որ դա կօգնի մյուս մասնագետներին շարունակել աշխատել այդ ուղղությամբ եւ վիրուսի դեմ պայքարի արդյունավետ միջոց գտնել: