Թվային ոլորտում դեռևս չափազանց մասնատված ենք. Մակրոն

Ֆրանսիայի նախագահ Էմանուել Մակրոնն անդրադարձել է Եվրոպայի տեխնոլոգիական ոլորտի առջև ծառացած խնդիրներին՝ ընդգծելով ԱՄՆ-ի և Չինաստանի նկատմամբ մրցունակության բարձրացման անհրաժեշտությունը։ «Եթե դիտարկենք տեխնոլոգիական ոլորտը, ապա կտեսնենք, որ այն հիմնականում կենտրոնացած է ԱՄՆ-ի յոթ խոշորագույն ընկերությունների և չինական տեխնոլոգիական ընկերությունների ձեռքում։

Եվրոպական մոտեցումը ճիշտ է, սակայն թվային ոլորտում և մի շարք այլ բնագավառներում մենք դեռևս չափազանց մասնատված ենք։ Երկրորդ կարևոր խնդիրը կապիտալի հասանելիությունն է։ ԱՄՆ-ում կան զգալի ֆինանսական միջոցներ և խոշոր ներդրողներ, որոնք մեծածավալ ներդրումներ են կատարում։

Պարադոքսն այն է, որ Եվրոպայում խնայողությունների ծավալն ավելի մեծ է, քան ԱՄՆ-ում։ Սակայն այդ միջոցները պատշաճ կերպով չեն ուղղվում ներդրումներին՝ բանկային և ապահովագրական ոլորտներում գործող չափազանց խիստ կարգավորումների պատճառով»,- նշել է Մակրոնը։