Land Rover Defender 110 նոր արդիականացված փիքափը դրվագված է ադամանդներով
Հարավային Կարոլինայից Himalaya ատելյեի կոլեկտիվը ներկայացրել է մեծապես արդիակացված Land Rover Defender 110 փիքափը: Ստանդարտ «Դեֆենդերի» հետ ամենագնացը նման է միայն թափքով. դոնորը քանդվել է հիմնահատակ եւ նորից հավաքվել այլ լցոնմամբ: Նախագիծը գնահատվել է 250 հազար դոլար՝ սա ավելին է, քան ԱՄՆ-ում Bentley Bentayga-ի գինը, հայտնում է «Մոտորը»:
Himalaya-ի մասնագետները սովորական դիզելային շարժիչը եւ շարժահաղորդակը փոխել են General Motors-ի արտադրանքով: Ծածկի տակ տեղակայված է 6,2-լիտրանոց 525-ուժանի (495 Նմ պտտման պահով) Chevrolet Corvette-ի V8 LS3-ը, անիվներին հզորությունը հաղորդվում է 6-դիապազոնանի ամերիկյան «ավտոմատի» միջոցով: Դրանից բացի, ինժեներները վերափոխել են արգելակման համակարգը, կախոցը, էլեկտրահաղորդումը եւ օդափոխության համակարգը, ինչպես նաեւ բարելավել են ձայնամեկուսացումը:
Կաստոմը ստեղծողները հավաստիացնում են, որ մինչեւ 113 կմ/ժամ արագության դեպքում BF Goodrich արտաճանապարհային անվադողերով «Դեֆենդերում» նույնքան հարմարավետ է, որքան սովորական լյուքսային քրոսովերներում:
Սրահի լուսանկարներ չեն հրապարակվել, բայց Himalaya-ի դիզայներները խոստանում նոր կաշվե բազկաթոռներ՝ դրվագված ադամանդներով, վերաիմաստավորված սարքավորումների վահանակ՝ կարբոնային ներդիրներով, Momo սպորտային ղեկ, ժամանակակից մուլտիմեդիայի համալիր եւ Alpine աուդիոնախապատրաստում:
Ամերիկյան ատելյեի հատուկ փիքափն արտաքուստ հեշտ է ճանաչել խցիկի պաշտպանական պատյանով, մեծացված լուսածիրով, ուժային քարշակով՝ ինտեգրված առջեւի բամփերին, թափքի տանիքին պահեստային անվի ամրացմամբ եւ Himalaya-ի պիտականշանով:
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...