2 օրում տուգանային հրապարակ է տեղափոխվել 96 մեքենա. վարորդներից 84-ը ոչ սթափ վիճակում են եղել

Հունվարի 1-ի ժամը 00.01-ից մինչև հունվարի 3-ի ժամը 11.00-ն Ճանապարհային ոստիկանության հատուկ պահպանվող տարածքներ տեղափոխվել է 96 տրանսպորտային միջոց: Այս մասին հայտնում են ոստիկանության լրատվական ծառայությունից:

Մեքենաներից 26-ը Երևանից են տեղափոխվել, իսկ 70-ը մարզերից, որից 84-ը ոչ սթափ վիճակում վարելու համար (22-ը Երևան, 62-ը մարզեր):

«Հարգելի վարորդներ, խստագույնս պահպանեք երթևեկության կանոնները, մի վտանգեք ձեր և երթևեկության մյուս մասնակիցների կյանքն ու առողջությունը»,- հորդորում են ոստիկանությունից:

Լուրեր Հայաստանից - NEWS.am