Lamborghini-ից մինչև Bentley. Լոնդոնի կենտրոնում ցուցադրվել է մոտ 3 մլն դոլար արժողությամբ թանկարժեք մեքենաների հավաքածու (լուսանկարներ)

Լոնդոնի 37-ամյա բնակիչ Քաշ Ահմադը որոշել է լոնդոնցիներին ու քաղաքի հյուրերին ցույց տալ իր հազվագյուտ ավտոպարկը, որն արժե մի քանի միլիոնհ դոլար ու որում ներառված են աշխարհի ամենաթանկարժեք սպորտային փոխադրամիջոցներից մի քանիսը:

Ինչպես նշում է Daily Mail-ը, Ահմադը ցուցադրել է մոտ 3 մլն դոլարանոց Lamborghini, Ferrari, Bentley, Maserati, Audi, Porsche և այլ բրենդերի մեքենաները, որոնց կողքին լուսանկարվելու համար իսկական հերթեր են գոյացել:

Ահմադը պատմել է, որ ինքն ու եղբայրը դեռահասության տարիքից տարված են մեքենաներով ու շատ են սիրում ձևափոխել, կատարելագործել թանկարժեք սուպերքարերը: