Իրանը դատապարտում է, իսկ Թուրքիան ողջունում

Իրանը դատապարտել է Սիրիայի դեմ արևմտյան երկրների հարձակումն ու պնդել, թե դրա հետևանքների համար պատասխանատու է լինելու Վաշինգտոնը:

«Այս հարձակումից հետո իրադրությունը տարածաշրջանում էլ ավելի կբարդանա, և անկասկած, դրա պատասխանատուն կլինի ԱՄՆ֊ը», ֊ «Ֆարս» լրատվական գործակալությանն ասել է Իրանի Հեղափոխության պահապանների գվարդիայի փոխնախագահ Յադոլլահ Ջավանին։

Իրանի հոգևոր առաջնորդ Այաթոլլա Ալի Խամենեին էլ հեռուստատեսությամբ հեռարձակված ելույթում հանցագործ է որակել Նահանգներին ու արևմտյան կոալիցիային:

Իսկ ահա Թուրքիան ողջունել է Արեւմուտքի գործողությունները: «Մեր համոզմամբ, Նահանգների և դաշնակիցների կողմից իրականացված քայլերը համարժեք են ստեղծված իրադրությանը», ֊ ասել է արտգործնախարարության պաշտոնյան:

Սիրիայում արդեն յոթ տարի շարունակվող ներքաղաքական ճգնաժամի ընթացքում Անկարան աջակցում է նախագահ Ասադի ընդդիմադիր ուժերին:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը