Ռուսաստանի ամենահարուստ հայերից մեկը մտադիր է ընդլայնել ավտոմոբիլային կայսրությունը

Ռուսաստանի խոշորագույն դիլերական հոլդինգներից մեկը՝ «Ավիլոն»-ը, որի համասեփականատերը հայ Կամո Ավագումյանն է, հետաքրքրված է մեկ այլ խոշոր ռուսական ավտոդիլերի՝ «Genser»-ի ակտիվների գնմամբ:

Ինչպես նշում է rusarminfo.ru կայքը, Genser-ը գտնվում է սնանկության շեմին:

Kommersant.ru-ն մանրամասնում է, որ Genser-ի հարցում «Ավիլոն»-ին ավելի շատ գրավում են ոչ թե ավտոբրենդների հետ կնքած պայմանագրերը, այլ ընկերության դիլերական կենտրոնների շենքերը:

Նշվում է, որ սնանկության շեմին հայտնված Genser-ն արդեն խզել է մի շարք ընկերությունների՝ Audi-ի, Datsun-ի, Volvo-ի հետ պայմանագրերը:

Հայտնի է, որ ավելի վաղ հեղինակավոր Forbes հանդեսի կազմած «Ռուսաստանի 2017թ. խոշորագույն մասնավոր ընկերություններ»-ի վարկանշային աղյուսակում Կամո Ավագումյանի ընկերությունը տարեկան 51 մլրդ ռուբլի հասույթով զբաղեցրել էր 159-րդ հորիզոնականը: