Թուրքմենստանում Մարտի 8-ի առիթով կանայք նախագահից 11-ական դոլար կստանան

Մարտի 8-ի միջազգային օրվա առիթով թուրքմենուհիները երկրի նախագահ Գուրբանգուլի Բերդիմուհամմեդովից կստանան 40 մանաթ (պաշտոնական փոխարժեքով՝ 11 դոլար), հայտնում է կառավարության «Նեյտրալ Թուրքմենիստան» պարբերականը:

Երկրի նախագահի ստորագրած հրամանի համաձայն՝ 40 մանաթի դրամական նվերը կստանան ձեռնարկություններում, հաստատություններում եւ կազմակերպություններում աշխատող կանայք՝ անկախ դրանց սեփականության ձեւից:

Նախագահական 40 մանաթ կստանան թոշակ եւ պետական նաստ ստացող կանայք, արտադրությունից չկտրված՝ ասպիրանտուրայում, դոկտորանտուրայում եւ կլինիկական օրդինատուրայում սովորողները, Թուրքմենստանի նախագահին առընթեր Պետական ծառայության ակադեմիայի՝ ոչ պակաս 2 ուսումնական տարով դասընթացների ունկնդիրները:

Նախագահական հրամանը տարածվում է նաեւ ուսանողների, աշակերտների եւ մանկական նախադպրոցական հաստատությունների դաստիարակների վրա: