Լրագրողը պատմել է Պետդումայի պատգամավոր Սլուցկոյի կողմից սեռական ոտնձգության մասին

RTVI հեռուստաալիքի գլխավոր խմբագրի տեղակալ Եկատերինա Կոտրիկաձեն հայտարարել է, որ մի քանի տարի առաջ Պետդումայի պատգամավոր Լեոնիդ Սլուցկոյի կողմից բռնության է ենթարկվել, փոխանցում է ՌԲԿ–ն։

RTVI–ի եթերում Կոտրիկիձեն պատմել է, որ 7 տարի առաջ, երբ աշխատում էր վրացական հեռուստաալիքում (նա «Կովկասյան առաջին տեղեկատվականի» համահիմնադիրներից է), Պետդումայի լիբերալ–դեմոկրատական կուսակցության պատգամավոր Լեոնիդ Սլուցկոյի հետ պայմանավորվել էին հանդիպել։ Նրա խոսքով, նա եկել է պատգամավորի գրասենյակ՝ հարցազրույցի մանրամասները քննարկելու համար։

«Այնպես ստացվեց, որ նա ինձ տարավ իր սենյակ, փակեց դուռը, փորձեց պատին դեմ տալ, շոյել եւ համբուրել։ Ես դուրս եկա եւ փախա»,–պատմել է Կոտրիկաձեն։

Լրագրողը համոզմունք է հայտնել, որ նման իրավիճակներում են հայտնվում շատ աղջիկներ իշխանության տարբեր մարմինների կողմից։

«Ոչ ոք դրա մասին չի խոսում, քանի որ իմաստ չունի։ Հասկանում ես, որ ինքդ քո վրա ես վերցնում մեծ քանակությամբ վիրավորանքներ, ստի եւ քաղաքական դրդապատճառների մասին մեղադրանքներ»,–պարզաբանել է Կոտրիկաձեն։

Հիշեցնենք, որ փետրվարի 22-ին «Դոժդ» հեռուստաալիքը պատմել էր Սլուցկոյի կողմից Պետդումայում աշխատող երեք լրագորղուհիների նկատմամբ ոտնձգության մասին։ Ինքը պատգամավորը ՌԲԿ–ի հետ զրույցում հերքել էր այդ։ Նա «Դոժդ»–ի նյութն բնորոշել էր որպես սադրանք։