Ոստիկաններն արդեն 40 օր սպասում են, թե երբ թմրանյութերը կուլ տված թմրավաճառը զուգարան կգնա

Մեծ Բրիտանիայում Էսեքս կոմսության ոստիկանությունը մեկ ամսից ավել չի կարողանում 24-ամյա Լամար Չամբերին ստիպել կղկղել, որպեսզի նրան թմրավաճառքի մեջ կարողանա բացահայտել: Քննիչների վարկածի համաձայն՝ տղամարդն իր աղիքներում անգելված նյութեր է թաքցրել:

Բժիշկները կարծում են, որ ամենաերկար փորկապություն ունեցողին մահացու վտանգ է սպառնում, հաղորդում է Newsru-ն:

Չամբերն արդեն 40 օր է ոստիկանության բաժնում է, որտեղ իրավապահները համբերատար սպասում են, թե երբ նա զուգարան կգնա: Ենթադրյալ թմրավաճառը հրաժարվում է հոգալ իր բնական կարիքները եւ արդեն պատրաստվել է մահվան:

Բրիտանացին պահանջել է, որ առողջության կտրուկ վատացման դեպքում, իրեն վերակենդանացման բաժանմունք չտանեն, հաղորդում է Essex Live-ը:

Իրավապահ մարմինների աշխատակիցների պնդմամբ՝ կալանքից առաջ տղամարդը հասցրել է իր մոտ ունեցած թմրամիջոցներրի խմբաքանակը կուլ տալ: Հիմա ոստիկանները սպասում են, երբ նա իր մարմից դուրս կհանի հանցանշանները:

Ըստ գաստրոէնտերոլոգի՝ թմրանյութերը, եթե իսկապես գտնվում են Չամբերի օրգանիզմում, ցանկացած պահի կարող են աղիքներից արյան մեջ մտնել: Դա գերդոզավորման արդյունքում մահվան կհանգեցնի: