XXL գեղեցկություն. Թայլանդում 100-ից ավելի գեր կին մասնակցել է գեղեցկության ինքնատիպ մրցույթի (լուսանկարներ)

Թայլանդում անցկացվել է գեղեցկության ամենաինքնատիպ մրցույթներից մեկը, որտեղ 90-60-90 մոդելային չափերով կանայք տեղ չունեն, գրում է The Daily Mail-ը՝ մանրամասնելով, որ մրցույթը նախատեսված է իգական սեռի բացառապես գեր ներկայացուցիչների համար:

Այս տարի Jumbo Queen մրցույթի հաղթող է ճանաչվել Կվաբրապի Բունչայսուկը, որը կշռում է 105 կգ: Ընդհանուր առմամբ, մրցույթին մասնակցել է ավելի քան 100 կին:

Հայտնի է, որ Jumbo Queen-ին մասնակցելու համար կանայք պետք է առնվազն 80 կգ կշռեն:

Հետաքրքրական է, որ տարբեր անվանակարգերում հաղթողներին շնորհվում է «Թայ Դա Չանգ» տիտղոսը, ինչը թարգմանաբար նշանակում է «Փղի դուստր»:

Մրցույթի ավարտից հետո հաղթողները պարտավոր են մեկ տարի շրջել Թայլանդում ու բարձրաձայնել բնապահպանական, մասնավորապես՝ փղերի խնդիրների մասին:

Աղբյուրը հավելում է, որ մրցույթում երբևէ հաղթած ամենագեր մասնակիցը կշռել է մոտ 190 կգ: