Հրապարակվել են Արգենտինայից Ռուսաստան կոկաինի մատակարարման գործում ներգրավված անձանց խոսակցությունները

Արգենտինակական Clarin պարբերականը հրապարակել է Արգենտինայից Ռուսաստան կոկաինի մատակարարման գործում ներգրավված անձանց զրույցի սղագրությունը, հաղորդում է «Լենտա»-ն: Գաղտնալսման ձայնագրություններում Ալեքսանդր Չիկալոնի եւ Իվան Բլիզնյուկը քննարկում են նախորդ խմբաքանակները: Նրանց զրույցներում հիշատակվում է նաեւ Արգենտինայում Ռուսաստանի դեսպան Վիկտոր Կորոնելլին եւ «պարոն Կ.-ն»: Clarin-ի տվյալներով՝ դա 50-ամյա Անդրեյ Կովալչուկն է, ով դիվանագետի հետ կոնֆլիկտ ուներ:

«Նա (պարոն Կ.-ն) միշտ ինչ-որ բան էր տեղափոխում այդ ճամպրուկներում: Այժմ նա վիճաբանել էր դեսպանի հետ, մինչ այդ նրան մեքենա եւ դիվանագիտական փոստի փաստաթղթեր էին տրամադրում, այժմ նա չգիտի՝ ինչ անել»,- մեջբերում է պարբերականը հավանաբար Չիկալոյի խոսքերը: Նա նաեւ հարցնում է զրուցակցին. «Պատկերացնու՞մ եք, թե թմրանյութերի շրջանառության ինչպիսի է ծավալներ են եղել այստեղ նախկինում»: Բլիզնյուկը, ով աշխատում էր Արգենտինայի ոստիկանությունում, ձերբակալվել էր փետրվարի 21-ին: Նա կասկածվում է Ռուսաստանին կոկաինի մատակարարման մեջ ներգրավված լինելու համար: «Մեդիազոնա»-ն գրում է, որ Բլիզնյուկն ու Չիկալոն ղեկավարում էին MORAL-ը (Mecenas Ortodoxos Rusos En America Latin):

Հետաքննությունը սկսվել էր այն բանից հետո, երբ 2016 թվականի դեկտեմբերին Կորոնելին հայտնել էր անվտանգության նախարարությանն այն մասին, որ դեսպանատանը կից դպրոցում որպես դիվանագիտական բեռ ձեւակերպված 12 կասկածելի ճամպրուկ է հայտնաբերվել: Ուժայիններն առգրավել էինճամպրուկները եւ գրեթե 400 կիլոգրամ կոկաին հայտնաբերել: Clarin-ի տվյալներով՝ գործի շրջանակներում ձերբակալվել են նաեւ Արգենտինայում Ռուսաստանի դեսպանատան նախկին աշխատակից Ալի Աբյանովը եւ երկու այլ անձիք: