Ըստ ՄԱԿ-ում ԱՄՆ մշտական ներկայացուցչի՝ ՄԱԿ ԱԽ բանաձեւը չափազանց ուշ են ընդունել Ռուսաստանի պատճառով

ՄԱԿ-ում ԱՄՆ մշտական ներկայացուցիչ Նիկի Հեյլին ռուս գործընկերներին մեղադրել է Սիրիայում հումանիտար դադարի մասին Անվտանգության խորհրդի բանաձեւի նախագծի վրա աշխատանքները ձգձգելու մեջ՝ հայտարարելով, որ որոշումը կարող էր շատ ավելի վաղ ընդունվել, եթե չլիներ միջազգային կոնսենսուսին «Ռուսաստանի ուշացած միացումը», փոխանցում է «Կոմսոմոլսկայա պրավդան»:

Նրա խոսքով՝ մինչեւ ռուսական պատվիրակությունը 10 օր փաստաթղթում ձեւակերպումներ էր փոխում եւ «մի քանի մեկնաբանություններ» ներկայացնում, Սիրիայում «շարունակում էին ռումբեր նետվել», իսկ «մայրերը կորցնում էին իրենց երեխաներին»: Հեյլին հայտարարել է, որ ձգձգելու «հիմնավորումներ» չկային, եւ ՄԱԿ ԱԽ անդամները կարող էին բանաձեւն ընդունել «չորեքշաբթի, հինգշաբթի կամ ուրբաթ»:

«Սիրիայում մարդիկ չպետք է զոհվեն, մինչ ռուսական պատվիրակությունը Մոսկվայից հրահանգների է սպասում կամ արդյունքները քննարկում է սիրիական կողմի հետ: Ինչո՞ւ է Խորհուրդը նման բան թույլ տալիս»,- քվեարկությունից հետո ասել է նա:

news.am

Այս թեմայով ԱՄՆ-ն հետաքրքրված է, որ արաբական երկրները ծածկեն Իրանի դեմ պատերազմի ծախսերը ԱՄՆ վիզաների համակարգը պաշտպանված է խիստ ստուգումների շնորհիվ․ դեսպանություն Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա Մերձավոր Արևելքում ԱՄՆ մի շարք դեսպանատներ ժամանակավորապես փակվել են ԱՄՆ-ը Էկվադորի հետ համատեղ գործողություն է սկսել ահաբեկչական կազմակերպությունների դեմ