-29.6. այս գիշեր Մոսկվայի մարզում գրանցվել է անցնող ձմեռվա ամենացածր ջերմաստիճանը

Անցած գիշերը Մոսկվայի մարզի բնակիչների համար դարձել է ամենացուրտը ձմռան սկզբից ի վեր, այս մասին գրում է life.ru-ն՝ հղում անելով Ռուսաստանի Հիդրոօդերևութաբանական կենտրոնի մասնագետների տվյալներին:

Մասնավորապես՝ մայրաքաղաք Մոսկվայում գիշերը ջերմաստիճանը նվազել է մինչև -18.4 աստիճան, իսկ Մերձմոսկովյան շրջանի որոշ տարածքներում հասել անգամ -29.6-ի:

Սա անցնող ձմեռվա ամենացածր ցուցանիշն է, որը համարվում է ռեկորդային: Նախորդ ռեկորդը գրանցվել էր փետրվարի 8-ին, երբ ջերմաստիճանն իջել էր մինչև -16.8 աստիճան:

Լույս փետրվարի 23-ին ամենացուրտ եղանակը գրանցվել է Մերձմոսկովյան շրջանի արևելյան հատվածում՝ Չերուստի բնակավայրում, որտեղ գիշերը գրանցվել է -29.6 աստիճան: