Սաակաշվիլին ժամանել է Նիդերլանդներ

Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին ժամանել է Նիդերլանդներ՝ իր կնոջ ծննդավայրը:

Հոլանդական լրատվամիջոցներից մեկի հարցին՝ որքա՞ն է պատրաստվում Նիդերլանդներում մնալ, Սաակաշվիլին պատասխանել է. - «Դեռ կտեսնենք: Սակայն վստահաբար ես այստեղ եմ Ուկրաինայում տեղ գտած որոշ հանգամանքների բերումով»:

Վրաստանի նախկին նախագահին երկուշաբթի օրը նախ ձերբակալել էին Կիևում, ապա՝ արտաքսել Լեհաստան:

Հիշեցնենք՝ անցյալ տարվա սեպտեմբերին Միխեիլ Սաակաշվիլին հարյուրավոր աջակիցների հետ Լեհաստանից մուտք էր գործել Ուկրաինա՝ չնայած ուկրաինա-լեհական սահմանային անցակետում հատուկջոկատայիններն ու սահմանապահները փակել էին նրա ճանապարհը: Անցած ամիսներին նա Ուկրաինայում ընդդիմադիր գործունեություն էր ծավալում:

Այս թեմայով Սահակաշվիլին պատմել է, թե ինչպես է Թրամփը հարցրել իր կարծիքը նախագահի պաշտոնում առաջադրվելու մասին Սաակաշվիլին Հայաստանի և Ադրբեջանի ղեկավարներին կոչ է անում դիտարկել Ուկրաինայի և Մոլդովայի օրինակը Սաակաշվիլին հայտարարել է, որ ցանկանում է մահվանից հետո թաղվել Ուկրաինայում Սաակաշվիլին հրաժարվել է արյուն հանձնել քննության համար. Վրաստան Սաակաշվիլին այլեւս չի զբաղվի քաղաքականությամբ