XVIII դարի «Սեքսի ուղեցույցը» աճուրդի կհանեն

Hansons աճուրդի տունը վաճառքի է հանել 1720 թվականին գրված «Սեքսի ուղեցույցը», հաղորդում է Lenta-ն:

Առաջին անգամ «երկու մասերից բաղկացած Արիստոտելի գլուխգործոցը» լույս է տեսել 1684 թվականին Լոնդոնում: Այն սեքսի եւ ընտանեկան հարաբերությունների ուղեցույց է: Օրինակ այնտեղ նշվում է, որ տղամարդը «սերմնաբջիջների առատության»համար պետք է ճնճղուկների, աղավնիների, կեռնեխների, ինչպես նաեւ մոծակների ձվերը, կոճապղպեղ եւ շաղգամ ուտի:

Գրքում նաեւ նշվում է, որ նորածին երեխաների շեղումների մեջ մեղավոր է «ծնողների երեւակայությունը», որոնք բեղմնավորման ժամանակ այլ մարդկանց մասին են մտածել:

Մինչեւ 1960-ականները գիրքն արգելված էր:

«Դրա համար մի քանի պատճառ կար: Օրինակ՝ դրանում «հրեշների» պատկերներ կան, որոնք առաջացել էին կնոջ եւ կենդանիների հետ ոչ բնական կապից,— ասել է աճուրդի տան աշխատակից Ջիմ Սփենսերը (Jim Spencer):

Պետք է նկատի ունենալ, որ գիրքը գրվել է այն ժամանակ, երբ մարդիկ Անգլիայում դեռ կախարդներին էին այրում»:

Գիրքն աճուրդի կհանվի 2018-ի մարտի վերջին: Սկզբնական գինը 80-120 ֆունտ սթերլինգ է: