Եվրոպայում այլեւս որեւէ բանկային գաղտնիք չկա
Եվրոպայում այլեւս որեւէ բանկային գաղտնիք չկա. ցանկացած՝ օրինակ, Շվեյցարիայում բացված հաշվի մասին անմիջապես հայտնի է դառնում հարկային մարմիններին: Այս մասին հայտարարել է Եվրամիության տնտեսության եւ ֆինանսների հարցերով հանձնակատար Պիեր Մոսկովիսին, փոխանցում է «ՌԻԱ Նովոստի»-ն:
«Եվրոպայում վերջ է դրվել բանկային գաղտնիքներին: Եթե որեւէ մեկը Շվեյցարիայում հաշիվ ունի, տեղեկատվության ավտոմատ փոխանակում է տեղի ունենաում, այսինքն, մենք անմիջապես իմանում ենք դրա մասին»,- France2 հեռուստաալիքի եթերում հայտարարել է Եվրոպական հանձնակատարը:
Նա նաեւ հիշեցրել է, որ տեղեկատվության փոխանակման մասին համաձայնագրերը, ի լրումն Շվեյցարիայի, ստորագրվել են նաեւ Լիխտենշտեյնի, Սան Մարինոյի, Անդորայի եւ Մոնակոյի հետ: Եվրամիության տնտեսության եւ ֆինանսների նախարարների խորհուրդը (Էկոֆին) ավելի վաղ հաստատել էր ԵՄ հարկատուների եկամուտների ցանկը ընդլայնելու որոշումը, ըստ որի Միության երկրների հարկային մարմինները պետք է սկսեն տեղեկատվություն փոխանակել ոչ ուշ, քան 2017 թվականի երկրորդ կեսից սկսած:
Հարկային ծառայությունների կողմից տեղեկատվության ավտոմատ փոխանակման ենթակա են տոկոսադրույքները, շահաբաժինները, ֆինանսական ակտիվների վաճառքից ստացված եկամուտները, ինչպես նաեւ հաշիվների վրա մնացորդների վերաբերյալ տեղեկատվությունը:
Փետրվար ամսվա սկզբին Եվրամիության ֆինանսական հարցերով հանձնակատար Պիեր Մոսկովիսին հայտարարել էր, որ չնայած եվրոպական երկրների բացակայությանը տարվա սկզբին Եվրամիության կողմից հաստատված հարկային գոտիների «սեւ ցուցակում», Եվրոպայի հարկային վարչարարության ոլորտում դեռեւս «սեւ խոռոչներ» են մնում:
Ֆինն Գերագուսյանը նշեց իր նորամուտը Հայաստանի հավաքականի կազմում
Հայաստանում ԱՄՆ դեսպանատունը զգուշացնում է
Անգլիայի Դերբի քաղաքում մեքենան մխրճվել է մարդկանց խմբի մեջ
Իրանի ծանր ջրի արտադրության գործարանն այլևս չի գործում. ԱԷՄԳ
Բացահայտվել են ընտրակաշառքի տրամադրման, ստացման և ընտրական շրջանում բարեգործության արգելքի խախտման դ...
Մխիթար Հայրապետյանը մասնակցել է Սևան Ստարտափ Սամմիթ 2026-ի գործընկերների ընթրիքին
Այսօրվանից վերսկսվում են Կապան-Երևան-Կապան թռիչքները․ Խուդաթյան
Իսպանիայում բացվել է «Հոգևոր քարտեզի արահետներով․ հայկական ձեռագրական արվեստը» ցուցահանդեսը
Տիբո Կուրտուայի վնասվածքն ավելի լուրջ է, քան կանխատեսվում էր
Սուրբ Աննա եկեղեցում տեղի ունեցած միջադեպի առթիվ նախաձեռնվել է քրեական վարույթ, կա 3 ձերբակալված․ ՔԿ