Բրիտանուհին թողել է իր 9 երեխաներին և 23-ամյա ամուսնուն և մեկնել Գամբիա՝ «իրական սիրո» հետևից

Բրիտանիայի Հարավային Թայնսայդ շրջանի 44-ամյա բնակչուհի Հայդի Հեփուորդը լքել է իր 9 երեխային և 23-ամյա ամուսնուն հանուն իրական սիրո, որի հետ ծանոթացել Facebook սոցցանցով:

Ինչպես հայտնում է Life.ru-ն՝ վկայակոչելով բրիտանական աղբյուրը, կինը մեկնել է Գամբիայի մայրաքաղաք՝ չնայած, որ երբեք երկրից դուրս չէր եկել նախկինում:

«Իմ երեխաները 3-28 տարեկան են: Նրանցից ոմանք ավագ քրոջ հետ են մնացել, և ես սիրով ինձ հետ կտանեի նրանց, բայց ես երեք ամսով եմ մեկնել, և այդ ընթացքում նրանց ոչինչ չի պատահի», - գրել է բրիտանուհին:

Ի դեպ, Հադիի ամուսինն ինքն է նրան օդանավակայան տարել և հաջողություն մաղթել: Կնոջ խոսքով՝ իր ամունությունն արդեն ավարտին էր մոտեցել, երբ ինքը ծանոթացել է Սոլյեի հետ:

Նրանք մի քանի ամիս շփվել են, որից հետո բրիտանուհին հասկացել է, որ սիրում է նրան: