Ազգային ժողովում նախատեսվում է ներդնել պատգամավորների էթիկայի հանձնաժողովի գործունեության նոր կառուցակարգեր
ՀՀ ԱԺ «Քաղաքացիական պայմանագիր» խմբակցությունը հանդես է եկել օրենսդրական նախաձեռնությամբ և փոփոխություններ ու լրացումներ է առաջարկում «Ազգային ժողովի կանոնակարգ» սահմանադրական օրենքում: Հարցը հուլիսի 2-ին գումարված ԱԺ արտահերթ նստաշրջանում քննարկման է ներկայացրել Պետական-իրավական հարցերի մշտական հանձնաժողովի նախագահ Արուսյակ Ջուլհակյանը:
Նախաձեռնությամբ Ազգային ժողովում նախատեսվում է ներդնել պատգամավորների էթիկայի հանձնաժողովի գործունեության նոր կառուցակարգեր, որոնք հնարավորություն կտան հաղթահարել մինչ այժմ առկա սահմանադրական և գործնական խոչընդոտները: Զեկուցողի խոսքով դեռևս 7-րդ գումարման խորհրդարանից ի վեր քննարկվող այս հարցում առկա է եղել սահմանադրական բարդություն, քանի որ էթիկայի հանձնաժողովը դիտարկվել է որպես յուրաքանչյուր ենթադրյալ խախտման դեպքի համար առանձին ստեղծվող ժամանակավոր մարմին: Նման մոտեցումը հանգեցնում էր հարցի քաղաքականացմանը և պատգամավորի նկատմամբ հանրային կանխակալ վերաբերմունքի ձևավորմանը՝ մինչև հարցի բուն քննարկումը:
Նախագծով առաջարկվում է ստեղծել այնպիսի կառուցակարգեր, որոնք դե յուրե կպահպանեն հանձնաժողովի ժամանակավոր կարգավիճակը, սակայն փաստացի կգործեն որպես մշտական մարմին: Հանձնաժողովը ստեղծվելու է 1 կամ 2 տարի ժամկետով, ինչը թույլ կտա ապահովել դրա կայուն գործունեությունը՝ առանց Սահմանադրության տառին հակասելու: Հանձնաժողովի առանձնահատկությունը կլինի պարիտետային սկզբունքը՝ կառավարող մեծամասնությունը և ընդդիմությունը կունենան հավասար ներկայացվածություն, իսկ նախագահի և փոխնախագահի պաշտոնները բաշխվելու են խմբակցությունների միջև՝ փոխադարձ համաձայնությամբ:
Որոշումների կայացման գործընթացում թափանցիկությունն ու անկողմնակալությունն ապահովելու համար նախատեսվել է, որ եթե քննարկվող հարցը վերաբերում է կառավարող մեծամասնության պատգամավորին, ապա նիստը պարտադիր կնախագահի ընդդիմադիր խմբակցության ներկայացուցիչը, և հակառակը՝ ընդդիմադիր պատգամավորի դեպքում նիստը կնախագահի մեծամասնության ներկայացուցիչը: Ձայների հավասար բաշխման դեպքում որոշիչ կլինի նախագահողի ձայնը՝ Արուսյակ Ջուլհակյանի խոսքով նախաձեռնությունը նպատակ ունի բարձրացնել պատգամավորների բարեվարքության մակարդակը և հարցը քաղաքական հարթությունից տեղափոխել մասնագիտական ու ժողովրդավարական մշակույթի դաշտ:
Հարակից զեկույցում Պետական-իրավական հարցերի մշտական հանձնաժողովի անդամ Լիլիթ Մինասյանն ընդգծել է նախագծի ընդունման և հանձնաժողովի գործունեության կարևորությունը՝ շեշտելով, որ կարևոր հանձնաժողով է ձևավորվելու, որը միտված է լինելու Ազգային ժողովի դերի բարձրացմանը:
Կառավարության դրական դիրքորոշումը նախագծի վերաբերյալ ներկայացրել է ՀՀ արդարադատության նախարարի տեղակալ Գևորգ Քոչարյանը:

















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
ԿԳՄՍ նախարարի շնորհավորական ուղերձը Գիտության համաշխարհային օրվա առթիվ
Բարսելոնային անհրաժեշտ է մատչելի վարձակալություն կամ շահավետ տրանսֆերային գործարք
Հայտնաբերվել է 351 ոչ սթափ վարորդ․ պարեկների անցած շաբաթվա ծառայության արդյունքները (տեսանյութ)
Օլիմպիական խաղերի հնգակի և աշխարհի բազմակի չեմպիոնը կպայքարի Ֆրանսիայի նախագահի պաշտոնի համար
Իրազեկում․ Այվազովսկու փողոցում տեղադրվել է տեսանկարահանող տեխնիկական միջոց
Ջամալ Մուսիալան կարող է ժամանակից շուտ ավարտել պրոֆեսիոնալ կարիերան
Նիկոլ Փաշինյանը հանդիպում է ունեցել Կոսովոյի վարչապետի հետ
Գևորգ Ղազարյանը հատուկ տեսաուղերձով դիմել է ֆուտբոլային հանրությանն ու հանդես եկել հայտարարությամբ (...