Առաջարկվում է օրենքում ավելացնել մեկ տոն եւս՝ Նավասարդ
Խորհրդարանն այսօր առաջին ընթերցմամբ քննարկել է «ՀՀ տոների և հիշատակի օրերի մասին» օրենքում փոփոխություններ կատարելու նախագիծը, որով առաջարկվում է պահպանել գոյություն ունեցող տոները՝ դրանք բերելով առավել պատշաճ և տրամաբանական կարգի:
Օրինագծի հեղինակ, ԱԺ պատգամավոր Գեղամ Նազարյանն առաջարկում է օգոստոսի 11-ն ամրագրել որպես ազգային ավանդույթների, մշակույթի և հայերի միասնության օր: Տոնը լինելու է աշխատանքային: Ըստ հեղինակի՝ այն կնպաստի ազգային արժեքների տարածմանը և կխթանի Սփյուռքի հայրենակիցների ամառային այցերը Հայաստան:
Հեղինակի մեկ այլ առաջարկ ազգային փոքրամասնություններին վերաբերող տոնական կամ հիշատակի որոշ օրեր ոչ աշխատանքային սահմանելու մասին է:
Պատգամավորն առաջարկում է նաեւ ոչ աշխատանքային օրեր սահմանել կամ այլ լուծում գտնել Հայ Առաքելական Եկեղեցու կողմից նշվող տաղավար տոների՝ Սուրբ Ծնունդ եւ Աստվածհայտնություն, Սուրբ Զատիկ, Վարդավառ, Վերափոխումն Սբ. Աստվածածնի եւ Խաչվերացին հաջորդող մեռելոց-հիշատակի օրերի դեպքում:
Երեւանի օրվա նմանությամբ առաջարկվում է սահմանել նաեւ մարզերի տոնական օրեր՝ հաշվի առնելով նաեւ բնակլիմայական պայմանները: Հեղինակը կարծում է, որ այսպիսի տոները կնպաստեն ներքին զբոսաշրջության զարգացմանը:
Հարակից զեկույցում ԱԺ պետական-իրավական հարցերի մշտական հանձնաժողովի անդամ Ալխաս Ղազարյանը դրական է գնահատել ներկայացված օրինագիծը՝ գործընկերներին հորդորելով կողմ քվեարկել նախագծին:
ՀՀ աշխատանքի եւ սոցիալական հարցերի նախարարի տեղակալ Լուսինե Քոչարյանը ներկայացրել է Կառավարության դիրքորոշումը: Ներկայացվել են մի շարք առաջարկներ, որոնք հեղինակը կդիտարկի առաջինից երկրորդ ընթերցում ընկած ժամանակահատվածում:
Մենք միանգամայն արժանիորեն դուրս եկանք հաջորդ փուլ
Wildberries-ի կողմից տրամադրված փոխհատուցումների ընդհանուր ծավալը կազմում է մի քանի միլիարդ ռուբլի
BP-ն վաճառում է Հյուսիսային ծովում իր բիզնեսը և դուրս գալիս տարածաշրջանից
Ուրումչիի մշակութային ուղին. Գրանդ բազար
Հայաստանի համար Էբոլա հիվանդության ներմուծման և հետագա տարածման ռիսկը գնահատվում է ցածր
Գանսուի թռչող ձին. չինական նահանգի հնագույն ժառանգություն
«Երևանի «Արարատ» կոնյակի-գինու-օղու կոմբինատ»-ը հանձնվել է ՀՀ կառավարմանն ու պահպանմանը. Գլխավոր դատ...
Սևանում տեղի է ունեցել «Sevan AgriTech Summit»-ը
Կարլոս Էսպին պայմանագիր է կնքել «Ռեալ Մադրիդի» հետ
ԿԳՄՍՆ-ն՝ ի գիտություն «Սևանի շուրջը» սիրողական հեծանվային արշավին մասնակցությամբ հետաքրքրվողների