Ծեծկռտուքին մասնակցություն չեմ ունեցել. ձերբակալվածներից մեկը եղբորս որդին է. Խոյի համայնքապետ

Ծեծկռտուքը տեղի է ունեցել, բայց ես մասնակցություն չեմ ունեցել. ծեծկռտուքի մասնակիցները բոլորը մի համայնքի բնակիչներ են, բոլորը իրար բարեկամներ են, ազգականներ են, քույր, եղբոր, թոռներ են ու միջադեպը տեղի է ունեցել պարեկի հետ մեքենան արագ վարելու պատճառով։ Այս մասին NEWS.am–ի հետ զրույցում նշեց Խոյ համայնքի ղեկավար Լյուդվիգ Յայլոյանը։

«Պարեկը ծառայության չի եղել, իր սեփական մեքենայով է եղել։ Պարեկի կողմից ոչ ադեկվատ պահվածքից է սա եղել և միջադեպը եղել է չորս երիտասարդների հետ, որոնցից մեկը իմ եղբոր որդին է։

Միջադեպը, իմ տեղեկություններով, եղել է օգոստոսի 31-ին, գիշերը 12–ն անց, կոնկրետ ժամ չգիտեմ։   Ես դեպքի մասին իմացել եմ հաջորդ օրը, երբ աշխատանքի եմ եղել։ Մեկը իմ եղբորորդին է եղել, մյուսները էլի իրար բարեկամներ են՝ եղբոր քրոջ թոռներ։

Ներանձնային վիճաբանություն է եղել, արագ քշելու, վատ պահվածքի հետ կապված։ Մանրամասն չեմ կարող ասել, քանի որ նախաքննություն է գնում, չեմ ուզում որևէ կողմին դրական կամ բացասական  գնահատական տալ։

Երևույթը շատ վատ է, բացասական եմ վերաբերվում, որ ստեղծվել է նման իրավիճակ, քանի որ նաև բարեկամների մեջ է այդ ամեն ինչը տեղի ունեցել ։ Վստահ եմ, որ այս ամեն ինչը հարթվելու է, ուղղակի որոշ պրոպագանդիստներ հնչեղություն են տվել այս ամեն ինչին՝ կապելով անմիջական իմ անձի հետ։ Ես ոչ մի տեղ չկամ ու իմ հետ կապված ընդհանրապես ոչ մի հարց չկա։ Ոչ բողոքների ժամանակ, ոչ իրենց առերեսումների ժամանակ, ոչ նախաքննության ընթացքում չի շեշտվել իմ անունը»,–ասաց Յայլոյանը։

Հարցին՝ դեպքի ժամանակ որտե՞ղ է եղել, նա պատասխանեց. «Տանն եմ եղել դեպքի ժամանակ, իմ տանը տեսախցիկները կան, հաջորդ օրը առավոտյան եղել եմ համայնքապետարանում տեսախցիկները կան, թե մինչև ժամը քանիսն եմ եղել։ Եթե կարիքը կլինի, ես պատրաստակամ եմ այդ ամեն ինչը տրամադրելու»։

Համայանքապետը նշեց, որ այդ միջադեպով կան ձերբակալվածներ. «Ձերբակալվածները բոլորը իրար հարազատներ են, այդ չորս երիտասարդներն են, եղբայրս է, եղբորս որդին է, մեկ էլ մնացած մեր էլի բարեկամներից են։ Պարեկի հետ էլ բարեկամներ են բոլորը։ Պարեկը իմ հորեղբոր թոռն է, հորեղբորս աղջկա տղան է։ Եղբորս որդին 19 տարեկան է, այդ 4–ի մեջ կա անչափահաս՝ 16 տարեկան, մյուս երկուսն էլ 22-23 տարեկան են։

Նշենք, որ հուլիսի 31–ին Շահումյան համայնքում պարեկային ծառայող Սմբատ Կնյազյանի և Յայլոյանների միջև միջադեպ է տեղի ունեցել. Կալանավորված են Խոյ համայնքի ղեկավար Լյուդվիգ Յայլոյանի եղբայրը՝ Մարգար Յայլոյանը, աներորդին և երկու որդիները՝ Գրիշա և Էրիկ Յայլոյանները:  

Այս թեմայով Պարեկին ծեծել են Խոյի համայնքապետի անչափահաս եղբորորդուն տուգանելու համար. Լիա Սարգսյան Խոյի համայնքապետի եղբայրն ու եղբոր որդիներն են ձերբակալվել. նոր մանրամասներ Շահումյանի ծեծկռտուքից Խոյի ՔՊ-ական համայնքապետն ու եղբայրը ծեծի են ենթարկել ոստիկաններին