Չեմ հերքի նոր ոստիկանապետի և Քանաքեռցի Տույի ազգակցական կապերի մասին տեղեկատվությունը․ Արփինե Սարգսյան

Ես չեմ հերքի նոր ոստիկանապետ Արամ Ղազարյանի և Արթուր Ղազարյանի (քրեական աշխարհում հայտնի է որպես Քանաքեռցի Տույ) ազգակցական կապերի մասին տեղեկատվությունը,  բայց դա որևէ կերպ չի կարող ազդել Արամ Ղազարյանի գործունեության վրա։ Այս մասին լրագրողների հետ զրույցում ասաց Հայաստանի ներքին գործերի նախարար Արփինե Սարգսյանը։

«Ներքին գործերի նախարարության համակարգ, ոստիկանական համակարգ ընդունվելիս կատարվում է անձնակազմի խորը ուսումնասիրություն՝ համոզվելու համար, որ ներքին անվտանգությունը անձեռնմխելի է, և ոչ ոք չի կաշկանդվի իր գործողություններում։ Արամ Ղազարյանը նույնպես ստուգվել է, և հաշվի են առնվել բոլոր հանգամանքները, այդ թվում՝ գործողություններում կաշկանդվածության առկայությունը կամ բացակայությունը։

Անկախ ընտանեկան կապերից, Արամ Ղազարյանն ունի այն մարդկային արժեքային համակարգերը և փորձը, որոնք թույլ կտան նրան կատարել իր գործառույթները որպես ոստիկանապետ։

Հայաստանը շատ փոքր երկիր է, և մենք բոլորս կարող ենք ունենալ որոշ ազգականներ, բայց պաշտոնում գտնվող անձը ունի հստակ առաքելություն, և եթե մարդը կարող է հեշտությամբ կատարել իր առաջադրանքը, ապա ես այս առումով որևէ խնդիր չեմ տեսնում», — նշեց նա։

Մանրամասն՝ տեսանյութում։

Այս թեմայով ՀՀ–ում հավելյալ գումարով հնարավոր է վարորդական իրավունքի քննությունը վերահանձնել մյուս օրը ՔՊ–ական պատգամավորը Մերձավանում տեղի ունեցած սպանության համար մեղադրեց ոստիկաններին ՆԳ նախարարը հրաժարվել է մեկնաբանել հունիսի 12-ի իրադարձությունները